Vniuersis Christi Fidelibus praesentem paginam inspecturis Engelschalcus Dei gratia Abbas Monasterij Glunicensis salutem in Domino. Cum veneranda Festiuitas Salutaris Misterij Corporis Christi post primariam sui dudum factam per vrbanum quintum (sic) huius nominis Papam pierumque ex deuotione potius quam per eum factam institutionem obseruata tandem vniuersalis sacrosancte Romanae Ecclesiae praecepto necnon generalis authoritate sancti concilij in singulis vniuersaliter mundi partibus, Ordinibus et Ecclesijs inuiolabiliter excolatur, necdum consueuit proh dolor et hactenus in nostra Ecelesia celebrari; proinde plurimum verentes non solum indeuotionis nota argui, verum etiam negligentise vel inobedientise vitio condemnari, omnium Fratrum nostrorum voto vnanimi et consensu concordi praefatum Festum Corporis Christi exnunc in antea et perpetuis successibus statuimus sollemniter iuxta Sanctiones Canonum in nostra Eccelesia et a nobis irrefragabiliter venerari. Et ne ora hominum triturantium inueniantur forsitan iuxta legis vetitum alligare (sic), Fratribus in die sollemnitatis eiusdem in consolationem Sex solidos itemque in acta Vespera Beati Gregorij Papae pro vigiliarum et in crastino eiusdem pro missarum deuota decantatione in requiem nostri necnon progenitorum nostrorum, ad quae ijdem Fratres nostri se sponte eximunt et imposterum obligant, dimidium Talenti denariorum Wiennensium ipsis administrari perpetuo deputamus. sane pro consolationis huiusmodi executione oblaije Fratrum communi omnium consensu et fauore Decimam in Wünckhl totam disponimus et donamus ipsamque per manus Reuerendi Patris Domini Alberti Patauiensis Ecclesim Episcopi vsui Fratrum praetextu praemissorum possidendam finaliter salua conscientia resignamus, praesertim cum in restauro eiusdem possessionis Ecclesise in Austria apud Reuttam valenter ampliauimus nostris sollicitudine, studio et labore. Praeterea in ipso nostri obitus anniuersario die Fratribus triginta denarios, qui pro parte noualis prope Neustifft nobis dari consueuerant vice census, pro commemoratione nostri per infirmarium domus singulis annis volumus et disponimus pro pitantia ministrari. Caeterum corruptelam quondam diuini officij et cultus, quae ex quarundam nouitatum abusionibus in Ecclesia nostra succreuerat, reformare, prout possumus, cupientes pro laude et reuerentia Beatae Virginis Mariae omne Sabadum per circulum anni extra quadragesimam aut aliam, quae uacauerit per hepdomadam, diem cum Sollemnitate duodecim lectionum et officio eiusdem Virginis consueto communi omnium nostrorum Fratrum consilio volumus et statuimus celebrarj Ita Sane, quod in Sollemnitate eiusdem officij prima vespera omni hepdomada Fratribus pitantia dimidij potus per Singulos ministretur, deputantes eatenus oblaije Fratrum Vineam quandam Chremse dictam am Chueperg ad hoc nostris laboribus comparatam. Et vt pramissa et pramissorum Singula inconuulsam roboris habeant firmitatem, praesentes Sigillorum nostri et conuentus nostri volumus munimine roborarj. Actum et Datum Anno Dominj millesimo Trecentesimo vicesimo octauo, in crastino Sanctj Martinj Episcopj et confessoris.

Source Fulltext: OÖUB 5 (Wien 1868) S. 527-528, Nr. 526