Guido miseratione diuina tituli sancte Cecilie presbyter cardinalis, apostolice sedis legatus Dilecto in christo .. abbati monasterij Medlicensis ordinis sancti Benedicti Patauiensis diocesis salutem in domino. Peticio dilectorum in christo .. abbatis et conuentus monasterij sancti Andree in Glunich Patauiensis diocesis nobis exhihita continebat, quod fructus, redditus et prouentus predicti eorum monasterij sunt adeo tenues et exhiles, quod ipsi ex eis nequeunt comode substentari nec ineumbencia sibi onera supportare nec dormitorium, quod in prefato monasterio nullatenus habere noseuntur, possunt facere edificari, quinijmo coguntur per diuersas celulas habitare. Propter quod nobis humiliter supplicarunt, ut eisdem paterno conpacientes affectu deberemus super predictis de oportuno remedio prouidere et perrochialem (sic) ecclesiam sancti Seuerinj in Hedershouen in vicino predicti monasterij sitam, in qua ius obtinent patronatus cuiusque fructus, redditus et prouentus decem marcarum argenti ualorem annuum non excedunt, cum omnibus iuribus et pertinencijs suis eidem monasterio vnire et incorporare de speciali gracia dignaremur. Nos igitur de predictis, ut conuenit, noticiam non habentes discrecioni tue auctoritate, qua fungimur, presencium tenore committimus et mandamus, quatinus de predictis diligenter inquirens, si ea inueneris ueritate fulciri, nobis per tuas patentes litteras tuo sigillo sigillatas uel publicum instrumentum quantocius intimare procures, ut certificari possimus, quod in huiusmodi negocio facere habeamus. Datum apud Znoymam Olomucensis diocesis v. kl. septembris, pontificatus domini Clementis pape vj. anno octauo.

Source Fulltext: OÖUB 7 (Wien 1876) S. 127, Nr. 129