Reuerendo in christo patri et domino domino Gwidoni tituli sancte Cecilie presbitero cardinali, apostolice sedis legato Ludwicus vester abbas deuotus monasterii Medlicensis ad sedem apostolicam inmediate pertinentis, ordinis sancti Benedicti Patauiensis dyocesis cum reconmendatione sui orationem tam debitam quam deuotam. Vestre reuerende paternitatis, prout expedit, cupiens parere iussionibus et mandatis monasterium sancti Andreein Glunich ordinis sancti Benedicti Patauiensis dyocesis ampliori quam potui industria iuxta mandati vestri continenciam diligenter investigans omnes indigencias, quas vobis abbas et conuentus eiusdem monasterii proposuerunt, reperi omnino veras et neccessarias ex eo, quod idem monasterium exile et minutissimum inter omnia Monasteria Patauiensis dyocesis reputatur, quod fructus, reditus (sic) et prouentus predicti monasterii tantum sunt tenues et exiles, quod ipsi ex eis comode nequeunt sustentari nec omnia sibi incumbeneia supportare nec dormitorium, quod in prefato monasterio nullatenus habere dinoscuntur, possunt edificare, quinymo coguntur per diuersas Cellulas habitare, mea et omnium, qui dictum monasterium nouerunt, consciencia pura teste. Quocirca pietatis vestre gratiam requiro rogans, pro ipsis et cum ipsis suppliciter et deuote, quatinus ecclesiam parrochialem sancti Seuerini in Hedershouen in vicino predicti monasterii sitam, in qua ius obtinent patronatus, dicto monasterio vnire et incorporare dignemini gratia et misericordia speciali ita, ut iidem fratres dictam ecclesiam parrochialem per se inofficiare habeant aut disponere de eadem, quod ipsorum utilitati magis fuerit oportunum ad releuandam eam, cui fratres predicti subiacent, egestatem. In cuius rei testimonium presentes literas duxi munimine sigilli mei consignandas. Datum in Medlico tercio nonas septembris. Von anderer Hand: Datum apud Znoymam Olomucensis diocesis viij idus Septembris fiat. Rta a di.

Source Fulltext: OÖUB 7 (Wien 1876) S. 128, Nr. 130