Ego Chunradus dictus de Peurbach notum facio in perpetuum universis, ad quos prasens scriptum pervenerit, quod ego XVII. homines cum haeredibus suis, quos in posterum habere poterunt, in Maense Ecclesiae resignavi, cum de eisdem hominibus ab ipsa Ecclesia fueram infeudatus, et istam resignationem feci pro recompensatione sex talentorum denariorurn Salzburgensis Monetae, de quibus denariis mihi est pleniter satisfactum sic, quod renuntio de peccunia non numeratae et pignoratitiae actioni. Nomina hominum, quos resignavi, ut praefatum est, sunt haec: Hainricus dictus Greuzler, Chunradus frater suus, filius Vetelerii, filia Hainrici Greuzlin sororis, Gertrudis uxor Rudberti de Paumgarten cum duabus filiabus et uno filio, Chunradus auf der Steur et soror sua Gisla, Chun (radus) Zelgraus, Hainricus dictus Paener, Chunradus senior filius glangonis, Chunigundis dicta Poesendaef et filia ejus Gisla, Heinricus dictus Obernstainer et duae sorores suae. Insuper feci resignationem generalem de omnibus aliis hominibus praefatae Ecclesiae in Maenshe, de quibus ab ipsa Ecclesia fueram infeudatus, qui mihi sunt incogniti, siqui adhuc possent alii inveniri praeter hos, quorum nomina superius sunt expressa, hac conditione adjecta, ut in recompensationem a saepe fata Ecclesia in Maenshe gratia aliqua michi fiat. In cujus rei memoriam, ne in posterum alicui super hac resignatione possit dubium vel scandalum generari, praesentes litteras in perpetuam rei memoriam cum testibus subnotatis feci sigilli nostri munimine roborari. Hi sunt testes: Chunradus Otnanger, Hainricus Mullhamer, Hartlibus Rubervving, Hainricus in hospitali, Chunradus Glango, Engelscalcus officialis et Rugerus pellifex et caeteri quam plures. Datum Anno Domini 1270.

Source Fulltext: OÖUB 3 (Wien 1862) Nr. 410, S. 380