Ich Perchtold Frawnberger vergich offenbar mit dem brief und tuen kund allen den die in sehent ho^ernt oder lesent, umb ein hantvest die ich dem erbern herrn abbt Hainrich ze Ma^ennse genomen han die er gehabt hat von Ha^ertlein von Fra^emerting, daz ich dieselben hantvest verloren han an alz geva^er, mag ich sy aber vinden so sol ich sy dem vorgenanten herrn wider geben unverzogenleich. wa^er dez nicht daz ich die hantvest nicht fund und wo sy anderswo fu^er cha^em, so sol sy dem vorgenanten herrn und seinem gotshaws unschedleich sein. mit urchund ditz briefs versigelt underm meinem anhangunden insigel, der geben ist nach Christi gepurd u^eber drewzehen hundert jar darnach in dem acht und sechczigisten jar dez montags vor dem prehentag.

Source Fulltext: OÖUB 8 (Wien 1883) Nr. 363, S. 355f.