Ego pilgrimus et tota vniuersitas ciuium in Rottenmanne presentibus profitemur et notum facimus vniuersis hanc paginam inspecturis, quod eum hainricus dictus Schutenhelm quondam conciuis noster fortuna nouercante ad magnam peruenisset inopiam egestatis, de consilio et auxilio nostro sibi vnam prebendam in hospitali sancte Marie pyrni montis pro necessitate sui corporis comparauit, pro qua gloriose virgini Marie et predicto hospitali nec non fratribus ibidem deo perpetuo famulantibus mansum suum situm in altenrotenmanne nobis sicut iuris et conswetudinis fuit, confirmantibus donauit et tradidit perpetuo possidendum. Ad hec domum suam in foro Rottenmanne, que ad eum racione vxoris sue Merchlinne fuerat deuoluta, prefato hospitali ad dies suos tantum genero suo Chunrado dicto Rughalm aut pueris eiusdem nulla iurisdiccione sibi in eadem domo interea vsurpantibus, ad quos tamen eadem domus tanquam ad heredes legittimos pertinere videtur, donauit similiter libere possidendam, quo defuncto predicta domus ad eosdem tanquam ad heredes legittimos libere reuertetur. Promisit etciam nobis prouisor sepe dicti hospitalis per eum et suos pro tempore successores sepe dicto hainrico in expensarum et vestimentorum necessariis salubriter prouideri Harum testimonio litterarum. Huius rei testes sunt Gotfridus der vnfriding, vlricus Grozzo, predictus Pilgrimus. Otto Drichoph, hermannus stainer et filius suus, Otto dictus awer, Hiltgerimus aput portam, pernhart carnifex, Engelpertus weinahter, wulflngus dictus Chol, Chunrat Rughalm, perman frater stainarii et alii quam plures. Actum et datum anno domini, M°.CCC.ij°.

Source Fulltext: OÖUB 4 (Wien 1867) S. 425, Nr. 459