Gregorius episcopus seruus seruorum dei dilectis filiis preposito beati Lamberti Subnensis eiusque fratribus tam presentibus quam futuris regularem vitam professis in perpetuum. [Bis hieher verlängerte Schrift]. Quotiens a nobis petitur, quod religioni et honestati conuenire dinoscitur, animo nos decet libenti concedere ac petentium desiderijs congruum suffragium impertiri. Eapropter dilecti in domino filii uestris iustis postulationibus clementer annuimus et ecclesiam beati Lamberti Subnensis, in qua diuino mancipati estis obsequio, ad exemplar felicis recordationis Eugenij pape predecessoris nostri, sub beati Petri et nostra protectione suscipimus et presentis scripti priuilegio communimus. Inprimis siquidem statuentes, ut ordo canonicus, qui secundum deum et beati Augustini regulam in eadem ecclesia institutus esse dinoscitur, perpetuis ibidem temporibus inuiolabiliter obseruetur. Preterea quascumque possessiones, quecumque bona eadem ecclesia impresentiarum iuste ac canonice possidet aut in futurum concessione pontificum, largitione Regum uel Principum, oblatione fidelium seu alijs iustis modis prestante domino poterit adipisci, firma uobis uestrisque successoribus et illibata permaneant. In quibus hec proprijs duximus exprimenda uocabulis: Locum ipsum, in quo prefata ecclesia sita est, cum omnibus pertinentiis suis, Ecclesiam ad heingist cum Curte stabularia et omnibus||
pertinentiis suis, ecclesiam Mallentin cum omnibus pertinentiis suis, Parscalchesdorf, Meizensteine, Rusnize, Rakanizhe cum decimatione et omnibus pertinentiis suis, Sedingen cum uenationibus et piscationibus, Perindorf, Preurath, Hasilaha, Suarzaha, Gloiach, Abbatisperge, Sulba, Suarcimbach, Swein, Criezpach cum nauigio et parte silue ipsius loci. In Assca quartam partem telonei, decem mansos in Grantemperc, Pratmarhowen cum omnibus pertinentiis suis, decimam, quam habetis in predijs sitis in Carinthia, Merlinspach, ad pueros, Peigarten, Pratemperge, Teufenpach, Ruede, inferius Haupach, et superius Haupach, Routhaim, Vrsperting, Prathe, Shergaren, Amdorf, Possperg, inferius et superius Lauterbrunne, Gawalteshaim, Miterndorf, Engelhartsperge, Weide, Oede, Pratempach, Awe, Paldwinfdorf, Adalmaninge, Ludhaim, Engelpoltsoede, Chaltenmarchte, Reute, Sheusdorf, Vieth, Staineinzoune, Lohe, Nasla, Haslpach, inferius et superius Ceisaperge, Wezendorf. Duorigelpach, Dithalminge, sub quercubus, Peringe, Weizenawe, Ekkemperge, Hebenspach, Sleter, in monte, Puche, Stainpach, Oede, duo Stoche, Chobel, Oberhouen, Pusenperge, Eibach, Ekkartesreute, Steuendorf, Prukke, Ritzinge, Ascha, Grunenpach, Micheldorf, Pramerdorf, molendinum apud Pramam, Petheringe, Heide, Rosspahc, Snellendorf, Dorf, Aiche, Otendorf, Vtenhaim, inferius et superius Teufenpach, Lohe, inferius et superius Pramawe, Reiteinsreute, Piriche, Odeinriute, Penzeriute, inferius et superius Visenhart, Stoche, Nidehaim, Grub, Nermansdorf, Geroltinger (sic), predium interm holze, Furt, ad Rubertum fabrum, Vngring, Sherdinge cum piscationibus et parte nauigii ipsius, Chounich, Chemerich, Grub in Austria, Swaneim, Wazemansperge, Cholmunz, Pirembach, Chunilpach, Roz, Zohensunstorf, Hunthoupt, Chrotental, Hergoltshaim, Aufheim, Snellaim, Risting, Harde, Obernawe, Inzinge, Winchil, Inferius awe, nec non terras et alias possessiones cum pratis, vineis, nemoribus, usuagiis et pascuis in bosco et plano, in aquis et molendinis, in uiis et semitis et omnibus aliis libertatibus et immunitatibus suis. Sane noualium uestrorum, que propriis manibus aut sumptibus colitis, de quibus aliquis hactenus non percepit, siue de uestrorum animalium nutrimentis nullus a uobis decimas exigere uel extorquere presumat. Liceat quoque uobis, clericos uel laicos liberos et absolutos e seculo fugientes ad conuersionem recipere ac eos absque contradictione aliqua retinere. Prohibemus insuper, ut nulli fratrum uestrorum post factam in ecclesia uestra professionem fas sit, sine Prepositi sui licentia nisi artioris religionis obtentu de eodem loco discedere. Discedentem uero absque communium litterarum uestrarum cautione nullus audeat retinere. Cum autem generale interdictum terre fuerit, liceat uobis clausis ianuis, exclusis excommunicatis et interdictis, non pulsatis campanis suppressa uoce diuina officia celebrare, dummodo causam non dederitis interdicti. Crisma uero, oleum sanctum, consecrationes altarium seu basilicarum, ordinationes clericorum, qui ad ordines fuerint promouendi, a diocesano suscipietis episcopo, si quidem catholicus fuerit et gratiam et communionem sacrosancte Romane sedis habuerit et ea uobis uoluerit sine prauitate aliqua exhibere. Prohibemus insuper, ut infra fines parrochie uestre nullus sine assensu diocesani episcopi et uestro cappellam seu oratorium de nouo construere audeat saluis priuilegijs pontificum Romanorum. Ad hec nouas et indebitas exactiones ab archiepiscopis et episcopis, archidiaconis seu decanis aliisque omnibus ecclesiasticis secularibusue personis a uobis omnino fieri prohibemus. Sepulturam quoque ipsius loci liberam esse decernimus, ut eorum deuotioni et extreme uoluntati, qui se illic sepeliri deliberauerint, nisi forte excommunicati uel interdicti aut etiam publice usurarii sint, nullus obsistat, salua tamen iustitia illarum ecclesiarum, a quibus mortuorum corpora assumuntur. Decimas preterea et possessiones ad ius ecclesiarum uestrarum spectantes, que a laicis detinentur, redimendi et legitim e liberandi de manibus eorum et ad ecclesias, ad quas pertinent, reuocandi, libera sit uobis de nostra auctoritate facultas. Obeunte uero te nunc eiusdem loci preposito uel tuorum quolibet successorum nullus ibi qualibet subreptionis astutia seu uiolentia preponatur, nisi quem fratres communi consensu uel fratrum maior pars consilii sanioris secundum deum et beati Augustini regulam prouiderint eligendum. Paci quoque et tranquillitati uestre paterna in posterum sollicitudine prouidere uolentes auctoritate apostolica prohibemus, ut infra clausuras locorum uestrorum nullus rapinam seu furtum facere, ignem apponere, sanguinem fundere, hominem temere capere uel interficere seu uiolentiam audeat exercere. Preterea omnes libertates et immunitates a predecessoribus nostris Romanis pontificibus ordini uestro concessas, nec non libertate s et exemptiones secularium exactionum a regibus et principibus uel aliis fidelibus rationabiliter uobis indultas auctoritate apostolica confirmamus et presentis scripti priuilegio communimus. Decernimus ergo, ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere, minuere seu quibuslibet uexationibus fatigare, sed omnia integra conseruentur eorum, pro quorum gubernatione ac sustentatione concessa sunt, usibus omnimodis profutura, salua sedis apostolice auctoritate, diocesani episcopi canonica iustitia et in predictis decimis moderatione concilii generalis. Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit, secundo tertioue commonita, nisi reatum suum congrua satisfactione correxerit, potestatis honorisque sui careat dignitate reamque se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri ihesu christi aliena fiat atque in extremo examine districte subiaceat ultioni. Cunctis autem eidem loco sua iura seruantibus sit pax domini nostri ihesu christi, quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. Monogramma (Bene Valete). In der Mitte: Sanctus Petrus, Sanctus Paulus. Gregorius papa viiij. Im Kreise: Signum in bonum fac mecum domine. Ego Gregorius catholice ecclesie episcopus. Monogramma. C. Ego Johannes Sabinensis episcopus SS. (subscripsi). C. Ego Jacobus Tusculanus episcopus SS. C. Ego Rainaldus Ostiensis et Velletrensis episcopus SS. C. Ego Thomas TT. sancte Sabine presbiter cardinalis SS. C. Ego Guifredus TT. sanctj Marcj presbiter cardinalis SS. C. Ego Sinibaldus TT. sancti Laurentii in lucina presbitercardinalis SS. C. Ego Stephanus sancte Marie trans Tiberim TT. Calixti presbiter cardinalis SS. C. Ego Ramerius sancte Marie in Cosmidin diaconus cardinalis SS. C. Ego Egidius sanctorum Cosme et Damiani diaconus Cardinalis SS. ||
C. Ego Oto sancti Nicholai in carcere Tulliani diaconus cardinalis SS. Datum Interamni per manum magistri Guillielmi sancte Romane ecclesie vicecancellarij v. kl. Decembris, Incarnationis dominice Anno M.CC.XXXVI. Indictione X. pontificatus uero domni Gregorii pape viiii. anno decimo.

Source Fulltext: OÖUB 3 (Wien 1862) S. 40-44, Nr. 39