Fridericus Dei gratia Dux Austriae et Stiriae, Dominus Carnioloe, Marchioe etc. Portus naonis Vniuersis tam praesentibus quam futuris, ad quos praesentes peruenerint, in perpetuum. Veniens ad nostram praesentiam honorabilis vir Praepositus Ecclesiae in Suben quoddam priuilegium Ecclesiae memoratae per Illustrem quondam Fridericum Ducem Austrioe et Stirioe nostrum praedecessorem indultum et postmodum per serenissimum Dominum et genitorem nostrum Dominum Albertum quondam Romanorum Regem, tunc Ducem Austrioe confirmatum petiuit humiliter de nostra speciali gratia confirmari. Est autem eiusdem priuilegij per omnia tenor talis. In nomine sanctae et indiuidiae Trinitatis Amen. Fridericus Dei gratia Dux Austriae et Stiriae, Dominus Carniolae, Marchiae, Portus naonis etc. omnibus hoc scriptum inspecturis in perpetuum. Licet virtus sui gratia sit ad omnes generaliter pietatis operibus exercenda, specialiter tamen hiis eius sunt beneficia impendenda, qui pro decore Domus Domini nitore conscientiae sub speciali quodam regularis disciplinae studio vigilare iugiter consueuerunt. Quapropter virtutis stimulo, quae ad liberalitatis dona mentes solet excitare Principum, inuitati ad studiosam Domini gregorij Subnensis Ecclesiae Praepositi instantiam omnium vectigalium victualia congregationis Deo ibidem in humilitate conversationis spiritualis imperpetuum militantis apud Neunburgk per Enum fluuium ascendendo siue descendendo, quemadmodum ipsis per bonae memoriae Henricum Illustrem Marchionem Ystrioe aliquando concessum fuerat et indultum, liberum transitum absque muta pro remedio nostrae animae duximus concedendum. Similiter et mansum vnum juxta riuum Pirnbach in villa Harvvart vulgariter appellatam, sicut in priuilegio Domini Marchionis super hoc edito plenius est expressum, eisdem dedimus tali modo, vt omni feria secunda in missa defunctorum nostri memoria sollemniter habeatur Vt autem haec roboris obtineant firmitatem, praesentem eis paginam sigillorum nostrorum caractere insignitam mandauimus exhiberi coram testibus hic notatis: Gerbot in sancto Nicolao, Eberhardo in Bounburg, Magistro Vlrico Sancti Jacobi in Babenberg Proepositis, Balchor, Chalhoho, Phylippo S. Nicolai Canonicis, Gerhoho ministeriali Ecclesioe Saltzburgensis, Vlrico de Lonstorff, Heinrico Canonico in Suben aliisque quam pluribus, quorum non sunt nomina subnotata. Acta sunt haec anno Domini M.CC.XLI. Indictione XIII. Datum Cremse VI. Calendas Octobris. Nos itaque praedicti Praepositi supplicationibus inclinati priuilegium praenominatum, sicut de verbo ad verbum expressum est, fauorabiliter approbauimus , innouauimus et praesentis scripti patrocinio confirmauimus Dantes has literas sigillo nostro munitas in euidens testimonium super eo. datum Wiennoe Anno domini MCCC. Tertiodecimo. XI. Cal. Maij.

Source Fulltext: OÖUB 5 (Wien 1868) S. 106-107, Nr. 104