Wir Ulrich und Heinrich gebru^eder grafen von Schawnberg verjehen, daz die erbern geistlichen lewt herr Andre der probst und daz capitel dez gottshawses ze Subn, daz von unsern vorvodern den Gott genedig sey gestüfftet ist und dess wir vogt und herrn sein, bey uns gewesen sind und habent uns underwyset der freyung die daz vorgenant gottshawss an unser maut ze Aschach von unsern vodern gebabt habent. Nu wöllen wir gottsgab und guten werich die unser vodern untz an uns geben und gehandlet habent nicht abnemmen sonder bezzern sollen ze allen zeiten, und haben angesehen daz sich der vorgenant probst und daz capitel unser egenanten stifft ze Subn mit ir andacht und gutem willen uns und den unsern in allen sachen dienstlich erzaigent und haben ihn ihr freyung durch Gott und besundern genaden vernewert mit so gethanen ausgenommen worten als hernach geschriben stehet also, daz wir wöllen und geben dem ehegenanten gottshawss daz recht, swas es weins und korns ze Oesterreich hab daz ze Subn in daz haws ze speis gehört, daz daz dez selben gottshaws probst berre oder pfleger swer die sein, ze Aschach an unser maut unbeswert an alle maut fu^er fu^eren. Und daz im daz allez stet und unzerbrochen bleib von uns und von allen unsern nach¬kommen, daru^eber ze einem uerkhund geben wir den brieff versigelten mit unsern insigeln, der geben ist ze Schawnberg an sand Bartholomeus abent nach Christes geburt drewzehen hundert jar und in dem drew und sechtzigisten jar.

Source Fulltext: OÖUB 8 (Wien 1883) S. 153f., Nr. 148