In nomine Sancte et indiuidue Trinitatis *) et Filij et Spiritus Sancti Amen. Quoniam Deus, a quo bona cuncta procedunt, merito et numero sibi seruientes occulta inspiratione nunc Ecclesiarum instauratione, nunc Eleemosynarum largitione, nunc diuersorum bonorum exhibitione peccata redimi docet, unde est, quod eiusdem miserationis instinctu premonitus spe eterne retributionis Ego Ottacarus Dei gratia Dux Styrie exoratus a Venerabili Traunensis (sic) Ecclesie Abbatissa uidelicet Diemunda ius petitionis ibidem existentis Parochie potestatiua manu omni remota contradictione super Altare Sancte Marie contradidi ea conditione, ut nulli hereditatis mee Possessori eiusdem donationis ius sibi liceat vsurpare, sed ut potius duo uel plures Presbiteri diuinis seruitiis ibidem occupati plenarie necessaria inde habeant, qui pro remedio anime mee Parentumque meorum Orationem supplicationemque Oblationes Deo sueque Genitrici incessanter obsequerentur, si quis autem huius facti uiolator extiterit, Omnipotentis Dei et semper venerande Virginis Marie Omniumque Sanctorum uinculo anathematis perpetuo mulctatus subiaceat. Sunt etiam huius traditionis testes: Cunradus et frater eius Rudolphus de Chindeperg, Herrandus de Wildonia, Arnoldus de Wardenburg, Engelscalcus de Aurach, Ottacarus de GeneWitz, Dietmarus dapifer de Pettenav, Vlricus de Chienav, Henricus de Hophav, Chunradus de Wert, Ottacarus de Stang, Livpoldus de Mitterdorf pincerna, Hiltegrinus auunculus eiusdem, Bilungus camerarius, Henricus Chnill et frater eius Dietmarus, Chunradus de Puhel, Reinbertus plebanus de Leibnitz, Henricus de Grez, plebanus et copiosa multitudo tam Ecclesiasticorum quam laicorum. Acta sunt hec in Traunkirchen Anno Incarnationis Domini M. C. LLiiii. concurrente iii. indictione IV. Epacta iii. regnante Glorioso et semper Augusto Friderico existente .....Patauiensis Ecclesie Episcopo Diepoldo.

Source Fulltext: OÖUB 2 (Wien 1856) S. 373-374