Wir Albrecht, von Gottes genaden herczog ze Osterreich, ze Steir, ze Kernden und ze Krain, markgraff ze Merchern und graff zue Tiroll etc., enpietten unssern getrewn allen unssern mauttern^a und ambtlawtten, den der brief geczaigt wirdt, unsser genad und alles güt. Wir enphelchen ew ernnstleich und wellen, was di geistleichen pruder sandt Augustin orden ze Padem in dem lannd ob der Enns gesamet haben, es sei salcz oder an der speissung, das sy ungeverleich wissentleich gemachen^b mugen und dabei man ew dissen brieff zaiget, das ir in das mautfrei und an all ander irung an unssern mautstetten lasset furfu^ern, wann wir in des diczmals von gnaden haben^c gunet. Geben ze Wienn an mantag nach sandt Anthonien tag anno Domini etc. tricesimo quarto.

Source Fulltext: MAURER, Augustiner-Eremiten Baden (=FRA II/89, Wien 1998) S. 245.