Ich Jacob Haide^ar, dieczeit der ersamen geistlichen herren dacz den augustinern ambtman, burger zu Wienn, bekenn, daz für mich und daz erber geding, da ich sas daselbs in irem closter an offem gerichtt, kömen ist der erber Paul Haiden, schůster, mitpurger zu Wienn, und clagt durch seinen vorsprechen, wie im weilent Andre Ofner seliger und Kathrey sein hausfrau schuldig we^arn fünffthalb pfunt phennig, dafür sy im ir hofstat weingarten, gelegen in dem Puchfeld, an aim tail zenagst Ludweigs Österreicher hofstat, in der egenanten meiner herren gruntpuch versaczt hieten nach innhaltung ainer bewe^arten zedel, so er aus demselben gruntpůch darumb fürpracht und hörn liezz, und pat darumb rechtens. Da geviel mit frag und ůrtail, ich solt das des egenanten Ofne^ar erben und seiner hausfraun zu wissen tun, was die dawider zu reden hetten, und gesche^ach darnach, was recht we^ar. Das tet ich der egenanten Ofne^arin zu wissen nach pergs und lands rechten, als ich zu recht solt. Aber irs manns se^aligen erben kund ich an i^er noch an andern umbse^assen daselbs kainen erfragen, und der egenant Paul Haiden kam wider für gerichtt, auch die egenant Ofne^arin mitsamt im auf antwůrtt und sprach vor offem gerichtt, das sy nyemant wesst, der von irs manns wegen gerechtikait daran hiet, darumb so hett sy dieselb hofstat verchaufft Steffan dem Wiser umb acht pfunt pfening, der hiet ir vir pfunt daran ausgerichtt, die sy Niclasen dem Piberstain beczalt hett an der egenanten hofstat, die ir man und sy von im gechauft hieten, und e^awssnt sich darauf williclichen aller i^err gerechtikait, so sy hiet an derselben hofstat gegen dem egenanten Haiden. Darauf ward gefragt, was recht wer. Da geviel mit frag und mit ůrtail, ich solt die gewer pey meinen handen halden vi^erczehen tag und mich darinn pas erkunden, ob man noch yemant erfragen möchtt, der von des egenanten Ofne^ar wegen gerechtikait darczue hiet, dem solt ich das ze wissen tun und darnach verrer geschehen, was recht wer. Das tet ich, aber ich kund nyemant erfarn, dem ich daz zu wissen getan hiet. Und nach ausgang derselben vi^erczehen tag kamen der egenant Paul Haiden und Kathrey die Ofnerin wider fur mich und offens gericht, und derselb Haiden pat zu fragen, was nu recht wer. Da geviel mit frag und mit urtail‚ seid die egenant Ofne^arin in die vor genant hofstat verkauft, auch daran vir pfunt phening ingenomen und die dem egenanten Niclasen Piberstain, von dem ... ^a und si dieselb hofstat gekaufft, beczalt und sich dieselb Ofne^arin aller i^err gerechtikait daran gegen de...^b... (o)ffem gerichtt willigclichen verczigen und gee^awssent und man nyemant erfarn kund, der von irs manns wegn gerechtikait daran hiet, so solt ich den egenanten Paul Haiden derselben hofstat weingarten ge^anczlich gewaltig machen mit meim gerichtsbrief, soverr das er der vorgenanten fünffthalb pfunt pfening und was er mit recht darauf ausgeben hett gancz davon beczalt wurde, und solt ich im des gesprochen rechtens meinen gerichtsbrief geben, der im mit frag und urtail zu geben erkant ist, und darumb nemen meine recht. Das hab ich getan. Des zu aim warn urchund gib ich im den brief, besiglten mit meim aigem anhangundem insigl. Geschehen zu Wienn an suntag, daran man singet Judica in der vasten, nach Cristi gepurd virczehenhundert und darnach in dem sibeunndfünfczigistenn jare.

Source Fulltext: MAURER, Augustiner-Eremiten Baden (=FRA II/89, Wien 1998) S. 253-254.