Getrewer lieber! Wir haben dem erbarn, geistlichen, unnserm lieben, andechtigen N. prior sanct Augustins orden in unnser statt Wien auf sein^a demütig anlangen gnediglich bewilliget, daß er prior durch sich selbst oder ainen anndern tauglichen conventualbrueder das closter zu Baden mit ainem inventari einnemen unnd die haußwürthschafft deßelben biß auf weiter verordnung versehen möge, der gestallt, was er in sollcher haußwürtschafft mit einnemben, ausgeben unnd in annder weeg handlen würd, daß er solches mit vorwißen dein, darzue wir dich hiemit verordnet haben wollen, thue. Demnach so empfehlen wir dir unnd wollen, daß du dich sollcher sachen guetwillig beladest unnd allso gedacht seyest, damit dem closter unnd gottshauß zu nuz gehandlet unnd demselben nichts enzogen werde. Das wollen wir in gnaden gegen dir erkhennen unnd du thuest daran unnser mainung. Geben in unnser statt Wien, am lesten tag Julii, anno im 37ten.

Source Fulltext: MAURER, Augustiner-Eremiten Baden (=FRA II/89, Wien 1998) S. 286.