(1) Leonardus dei et Apostolice sedis gracia Episcopus Pataviensis. Ad futuram rei memoriam. Cordi nobis est ut cultum divinum quantum (2) nobis ex alto conceditur pomoveamus. In hoc enim passionis dominice recolitur memoria christus ipse sumitur et pro vivorum (3) et mortuorum salute immolatur hostia salutaris. Cum itaque dilectus in christo Johannes Rector parrochialis Ecclesie in weytra nostre (4) diocesis ac magister fraternitatis sancte Marie ibidem et una secum omnes et singuli fratres et sorores presbyteri et laici eiusdem fraternitatis devoto (5) ducti proposito unam perpetuam missam in honore sancte et individue Trinitatis Gloriosissime et intemerate dei genitricis (6) virginis Marie omnium sanctorum et beate Marie Magdalene in Altari eiusdem Beate Marie Magdalene sito in dicta Ecclesia par- (7) rochiali in Weytra perpetuis temporibus celebrandam de bonis suis propriis sub certis modis condicionibus et accedente (8) ad hoc dicti plebani in weytra expresso consensu et voluntate dotaverint sufficienter prout hec et alia in sacris fundacionibus huiusmodi de (9) super confectis et per nos et nostros visis et exaratis dinoscuntur lacius contineri. fuimusque demum per dictos Magistrum et fratres (10) ac sorores fraternitatis predicte debita sum instancia rogati ut dotatcionem huiusmodi perpetue Misse cum suis modis condicionibusque ac limita- (11) cionibus ratificare approbare et auctoritate nostra ordinaria generosius confirmare dignaremur. Nos vero laudabilem et devotam dictorum (12) dotatorum intencionem favore prosequentes benivolo et in domino commendantes dotacionem predictam ac omnia et singula circa eandem ordinata (13) st disposita prout proinde facta sunt rata et grata habentes ipsaque auctoritate nostra ordinaria approbamus et ex certa nostra sciencia (14) confirmamus necnon robur habere volumus perpetue firmitatis. Ita tamen quod (?) cedente vel decedente cappellano dicte perpetue (15) misse presentacio ipsius ad magistrum supradicte fraternitatis pro tempore existente Institucio vero ad nos et successores nostros (16) Patavienses Episcopos perpetue debeat pertinere. Harum testimonio litterarum. Datum Wienne penultima die Mensis Novembris Anno (17) domini Millesimo Quadringentesimo vigesimo nono.