Cristofferus Tengler artium et decretorum doctor ac curie Patauiensis infra Anesum officialis generalis universis et singulias dominis presbiteris curatis et non curatis salutem in Domino. Ad beneficium capelle sancti Martini hospitalis Zwetlensis vacantem per dimissionem domini Andree Romer ultimi et immediati rectoris eiusdem ad presentationem iudicis et consulatus ibidem, ad quos ius presentandi pertinere asseritur, honorabilem dominum Andream Kromer rectorem instituimus ipsumque per libri traditionem, ut moris est, presentialiter investivimus de eodem, curam necnon administrationem spiritualium et temporalium sibi in eo plenarie committentes. Quocirca vobis dominis presbiteris supradictis, qui presentibus requisiti fueritis, committimus et mandamus, quatenus antedictum dominum Andream in et ad prenominati beneficii corporalem et actualem possessionem iuriumque et pertinentiarum omnium eiusdem inducatis et inductum defendatis, amoto exinde quolibet illicite detentore, facientesque sibi de fructibus, redditibus, proventibus, iuribus et obventionibus universis ad dictum beneficium spectantibus ab omnibus, quorum interest, integre responderi, contradictores et rebelles quoscunque auctoritate nostra per censuram ecclesiasticam firmiter compesendo. Harum testimonio litterarum sigilli officialatus maioris appensione communitarum. Datum Wienne octava die mensis Maii anno etc. vicesimo secundo.

Source Fulltext: Mag. Klaus Birngruber, Dr. Herwig Weigl