In nomine domini notum sit cunctis Christi fidelibus tam presentibus quam et futuris, quod Hartnidus plebanus de Hvrwin in manifesto capitulo coram episcopo Wolfgero mouit querimoniam super Dominicum plebanum sancte Margarete: quod terminos et plebem parrochie sue irrationabiliter et iniuste sibi usurparet. Ad hec uerba Dominicus respondit dicens: quod capella sancte Margarete tali modo esset exempta antiquis temporibus a choro Patauiensi et a parrochia Hvrwin a nobilibus dominis de Rebegau, quod tam liberi quam et serui omne ius parrochiale ibi recipere deberent, preter decimas maiores uidelicet frugum et denariorum. Et cum multociens querimonia ventilaretur coram prefato W. Patauiensis ecclesie episcopo et nichil terminaretur, quesiuit sentenciam a magistris decretalium, quid esset facturus secundum quod iste affirmaret et alter negaret. Tandem magister Pelegrinus de Albrechtisperge talem dedit sententiam, quod dominus episcopus ambobus diem peremptorium indiceret et Dominicus utrum per testes prenominatos uel per priuilegium demonstraret omni ocasione postposita exemptionem. Huic sententie omnis conuentus clericorum aquieuit. Tunc dominus episcopus, sicut per sentenciam predictum est, ad proximum capitulum suum in Cremis eis diem peremptorium indixit. Facto autem die peremptorio uenit Dominicus cum domino suo abbate Winthero de Altinburch et O. de Lenginbach Ratisponensis ecclesie aduocato, qui aduocatus eiusdem capelle est, et testibus prenominatis uiris nobilibus tam clericis quam laicis ex familia eiusdem aduocati, uidelicet Perhardo plebano de Peheimchirchin, Rvdolfo Wirlingo, Gotfrido de Tozinbach, Ernesto de Stozinge, Vlrico dapifero, Alberone de Wislarin, Heinrico de Geswende, Sifrido pincerna, Heinrico Muchtinch de Sichirbach, et aliis quam plurimis, quibus nota fuit causa. Postquam ergo dominus episcopus uenit ad capitulum et sedit ad iudicandum, surrexit H. plebanus de Hvrwin et inchoauit querimoniam suam. Tunc Dominicus testes suos statim presentauit Presentatis uero testibus iudicio coniurauit eos uice sacramenti dominus episcopus, quod neque gratia aut odio uel timore alia uerba non proferrent, nisi rei ueritatem et noticiam cause. Illi uero iurauerunt et iuramento confirmauerunt dicentes, quod capella sancte Margarete iusto nomine antiquis temporibus Dvringerhoven uocaretur et quod esset exempta cum villa Schiltarin, que sita est prope aquam Antesin, a uenerabilibus dominis et dominabus de Rebegava choro Patauiensi et parrochia Hvrwin, quod tam liberi quam et serui in predio dominorum illorum sito a monte Geswend usque Grvbe svpremum, a Grvbe usque Vilindorf, a Vilindorf usque Eichindorf, ab illa uilla trans aquam Grvbe, de Grvbe usque Pernouella, usque Oberhouen, de Oberhoven super montem Geswend et uillis infra iacentibus preter uillam Chvnratstorf omne ius parrochiale aput capellam sancte Margarete recipere deberent preter decimas maiores frugum et denariorum, et concilium christianitatis, et, qui fuerint accusati in eodem predio, ambo corrigant et puniant. Et dicebant, quod hec acta fuissent ante plantationem Chulivbensis ecclesie etaliarum multarum capellarum, que postmodum sint exempte de eadem parrochia. His omnibus iuramento confirmatis per sentenciam decretalem dominus W. Patauiensis ecclesie episcopus municionissue sigillo et priuilegio ins eiusdem roborauit capelle atque renouauit et in possessionem misit ita tumtaxat, quod annuatim matrici ecclesie Hvrwin afferrent cum uexillis candelam que deceret ad renouationem iuris eiusdem capelle. Hec acta sunt temporibus Philyppi regis, Wolfgeri episcopi, Livpoldi ducis Austrie, Sigehardi archipresbiteri, abbatis Wintheri de Altinburch. Huius rei testes sunt hii: Sigehardus prepositus Ypolitensis, Gotsalcus prepositus, Dietricus prepositus de Niwinbvrch, Otto scolasticus Ypolitensis, abbas Wintherus de Altinbvrch, Pilgrimus de sancta Agatha, comes Gebehardus puer, aduocatus Ratisponensis puer O. Dominicus, Sifridus de Mvtarin, Diethalmus plebanus, Wezilinus procurator de Hurwin, Sifridus de Chapeile, Rudolfus malignus, Heinricus Zabulus, qui fuit prothonotarius, qui et priuilegium eomposuit et scripsit, Gotfridus de Tozinbach et filii sui, Albero et filii sui de Wislarin, Pelegrinus de Revte et filii sui, Ernestus de Stozinge et filius suus, Sifridus pincerna et filius suus, Heinricus de Geswend, Alrammus de Mote et filii sui, Heinricus de Sichirbac, Vlricus et fratres sui de Aichperch, Rudolfus et Timo, Perhtoldus de Chirichstet, Albwinus de Wisin. Ceteri tam laici quam et clerici ut fuerunt in manifesto capitulo.

Source Fulltext: BURGER, Urkunden Altenburg (=FRA II/21, 1865) S. 2-4