Wir Alber von gotes gnaden hertzog ze Österreich, ze Steyr, ze Kernden vnd ze Krain, graf ze Tyrol etc., geben vnsern getrewn allen richtern vnd mautnern, den diser brief gezaigt wirt, vnser gnad vnd alles gut. Alz ew vnser lieber herr vnd vatter hertzog Alber vnd vnser lieber bruder hertzog Rudolff seliger gedechtnutzze vormals empholchen heten, also emphelhen wir ew ouch ernstlich vnd wellen, daz ir den erbern vnd geistlichen leutten, dem abt vnd dem conuent ze Altenburch ir getraid ir wein oder swas si ze dem selben irem kloster ze fueren habent, das ein notdurfft ist, an mautt vnd an all irrung fueren lazzet, alz ez von alter herkomen ist. Geben ze Wienn, an Mitichen nach Philippi et Jacobi apostolorum, (anno) domini M.ccc. LX.nono.||
Marsch... de Meissow.

Source Fulltext: BURGER, Urkunden Altenburg (=FRA II/21, 1865) S. 256-257