Vrbanus episcopus, seruus seruorum dei, dilectis filiis abbati et conuentui monasterii sancti Lamperti in Altenburch, ordinis sancti Benedicti, Patauiensis dioecesis, salutem et apo-stolicam benedictionem. Merita vestre deuotionis exposcunt, quod vos et monasterium vestrum paterna beneuolentia prosequentes illa nos gratiose concedamus, que vestris comoditatibus conspicimus oportuna. Sane petitio pro parte vetra nobis nuper exhibita continebat, quod monasterium vestrum predictum per pestilentiam et temporis caristiam aliisque diuersis tribulationibus et pressuris vexatione diucius et importune hospitalitatis sumptibus exhaustum intollerabili quoque debitorum onere pregrauatum et ipsius edificia ruinis peramplius adeo deformantur, vt ipsorum edificiorum reparatio inchoata propter predictorum debitorum onera recipere non possunt debitam completionem, et nisi de remedio prouideatur oportuno, cultus diuinus diminuetur euagationis. . materia et religio naufragabitur ac perpetuo dictum monasterium manebit desolatum. Ideo supplicauit dilectus filius jllustris Albertus dux Austrie senior, quatenus sibi in personas dilectorum suorum abbatis et conuentus monasterii predicti gratiam facientes specialem, vt parochialem ecclesiam in Rörenpach dicte dioecesis in honore sancti Michaelis constructam, cuius collatio presentatio seu queuis alia dispositio ad abbatem qui pro tempore fuerit, et conuentum dicti monasterii iure patronatus dinoscitur pertinere, cuius fructus redditus et prouentus viginti marcharum argenti communi estimacione valorem annuum non excedunt, vobis et monasterio vestro predicto incorporare, annectire et vnire de benignitate apostolica dignaremur. Nos igitur vobis vt facilius dictum monasterium reparari possit, vosque onera vobis et eidem monasterio incumbentia commodius supportare valeatis, de alicuius subuencione auxilio prouidere volentes, vestris et presertim predicti filii jllustris Alberti ducis senioris Austrie, in hac parte supplicationibus inclinati predictam parochialem ecclesiam sancti Michaelis in Rorenpach cum omnibus iuribus et pertinenciis suis vobis et monasterio vestro predicto auctoritate apostolica perpetuo incorporamus, annectimus et vnimus ita, quod cedente vel decedente ipsius parochialis ecclesie rectore, qui nunc est vel ecclesiam ipsam qu. . .. dimmitente liceat vobis corporalem possessionem ipsius ecclesie parochialis iurium et pertinenciarum predictorum per vos vel alium seu alios auctoritate propria apprehendere, ipsamque ecclesiam licite retinere, fructusque ipsius predictos pro reparacione predicta siue vsus proprios conuertere valeatis, liceatque vobis in ipsa parochiali ecclesia in Rorenpach predicta per vnum de conuentu pro voluntate conuentus amouendum curam animarum libere et licite gubernare, consensu ordinarii accedente, prouiso quod dicta ecclesia parochialis debitis non fraudetur, sed faciatis ibidem prout aportunum exstitit, et alias fieri consuetum deseruiatur lauda .... in diuinis felicis recordationis domini Vrbani pape quinti predecessoris nostri de vnionibus non fundis ac aliis reuocacionibus, ordinacionibus seu constitucionibus et statutis apostolicis per nos et quoscunque predecessores nostros de huiusmodi vnionibus in contrarium editis et edendis non obstantibus quibuscumque. Etiam si aliqui super prouisionibus sibi faciendis de parochialibus ecclesiis vel aliis beneficiis ecclesiasticis in illis partibus speciales vel generales apostolice sedis vel legatorum ipsius literas impetrarint, etiamsi per eas ad inhibicionem reseruacionem et decretum vel alias quolibet sit processum, quas literas et processus habitos per eosdem, et quecumque inde secuta, ad predictam parochialem ecclesiam volumus non extendi, sed nullum per hoc eis quo ad execucionem ecclesiarum et beneficiorum aliorum preiudicium generari seu.. . .uscumque priuilegiis indulgentiis et literis apostolicis generalibus vel specialibus quorumcumque tenore existant, per que presentibus non expressa vel totaliter non inserta effectus . . . impediri valeat quolibet vel differri, et de qua cuiusque toto tenore de verbo ad verbum habende sit in nostris literis mentio specialis. Nos insuper decernimus irritum et inane, si secus super hiis a quocunque quauis auctoritate scienter vel ignoranter contigerit attemptari. Nulli ergo omnino hominum liceat hanc paginam nostre vnionis, annexionis et connexionis attingere vel ei ausu temerario contraire. Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se nouerit incursurum. Datum Rome aput sanctum Petrum, IV. Idus Junii, pontificatus nostri anno tertio. (Inserirt in der Urkunde vom 10. Juni 1381, Nr. CCCI.)

Source Fulltext: BURGER, Urkunden Altenburg (=FRA II/21, 1865) S. 270-272