Wir Albrecht von Gottes Gnaden Hertzog zu Oesterreich, zu Steyer etc. bekennen, daß wür dem Ehrwürdigen geistlichen Vnsern getreuen vnd andächtigen dem Abbt vnd Convent zu Altenburg zu forderst durch Gottes Willen vnd von sonder Gnaden geben haben das Holtz genant der Prenttl, das in vnsern Gföhler Waldt gehert hat vnd geben auch offentlich mit dem Brieffe, also daß ein jeglicher Abbt und der Convent daselbst das vorgenandt Holtz mit seiner Zuegehörung bey dem obgenannten Gottes Hauß an fürbaß innen haben, besitzen und niessen sollen vnd mögen; als andertes Gotteshauß Gueth vnd Nutz ohne männiglichs Irrung vnd Hinternus. Vngefehrlich, mit Vrkundt dies Brieffs, geben zu Wien am Freytag vor dem Palmtag, nach Christi Geburth vierzehenhundert Jahr, darnach im 17. Jahr.

Source Fulltext: Karteikarten Stiftsarchiv Altenburg