Wir Albrecht von gotes gnaden hertzog ze Österreich, zu Steir, zu Kernden vnd zu Krain, markgraf zu Merhern, vnd graue zu Tyrol etc., bekennen, daz wir den ehrsamen geistleichen, vnsern lieben andechtigen den abbt vnd seinen convent zu Altenburg mitsambt demselben seine gotshaws, vnd allen iren lewten vnd gütern in vnser sünder gnad vnd scherm haben genomen, vnd nemen auch wissentleich mit dem brief vnd mainen ernstleich, daz si dawider nyemant beswer in dhain weis. Dauon emphelhen wir vnsern getrewn Vlreichen dem Eytzinger, vnserm hauptman zu Egenburg, vnd Kolman dem Grasser, vnserm phleger zu Gors, vnd wellen ernstleich, wenn si baide oder weiher vnder jn von demselben abbt oder den seinen angerufft werden, daz si jn dann in allen iren Sachen beygestendig, ratsam, vnd geholffen seyn, vnd si auch von vnserm wegen schirmen vor gewalt vnd vnrecht, so si best mügen. Das ist gentzleich vnser maynung. Mit vrkunt des briefs, geben zu Wienn, an sant Scolasticen tag, anno domini millesimo quadringentesimo tricesimo tertio. Dominus dux per se.

Source Fulltext: BURGER, Urkunden Altenburg (=FRA II/21, 1865) S. 310