Gregorius episcopus, servus servorum dei, dilectis filiis decano, thesaurario et cantori Salzpurgensibus salutem et apostolicam benedictionem. Dilecti filii abbas et conventus de Rothe nobis conquerendo monstrarunt, quod abbas et conventus de Chotwige Pataviensis dioecesis quoddam predium¹ et alias res ipsorum contra iusticiam detinent et reddere contradicunt. Ideoque discretioni vestre per apostolica scripta mandamus, quatinus partibus convocatis audiatis causam et appellatione remota fine debito terminetis facientes, quod decreveritis, per censuram ecclesiasticam firmiter observari. Testes autem, qui fuerint nominati, si se gratia, odio vel timore subtraxerint, per censuram eandem appellatione cessante cogatis veritati testimonium perhibere. Quod si non omnes hiis^a exequendis potueritis interesse, duo vestrum ea nichilominus exequantur. Data Anagnie VI. kalendas decembris, pontificatus nostri anno sexto.

Source Fulltext: FUCHS, Göttweig I (=FRA II/51, Wien 1901) S. 116