Alexander episcopus, servus servorum dei, dilectis filiis abbatil et conventui monasterii Choetwicensis ordinis sancti Benedicti Pataviensis diocesis salutem et apostolicam benedictionem. Iustis petentium desideriis dignum est nos facilem prebere consensum et vota, que a rationis tramite non discordant, effectu prosequente complere. Cum igitur sicut petitio vestra nobis exhibita continebat, bone memoriea Pataviensis episcopus² sui capituli accedente consensu ecclesiam de Pircha sue diocesis, in qua ius patronatus habetis, vobis et per vos monasterio vestro, prout spectabat ad eum, pia et provida liberalitate concesserit in usus pauperum hospitalis ipsius monasterii perpetuo retinendam reservata vicario, qui pro tempore fuerit in eadem, de ipsius proventibus congrua porcione pro sustentatione sua et ad debita procurationum diocesani loci et alia onera subeunda, sicut in litteris inde confectis dicitur plenius contineri. Nos vestris supplicationibus inclinati, quod ab eodem episcopo super hoc provide factum est, ratum et gratum habentes id auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre confirmationis infringere vel ei ausu temerario contraire. Si quis autem hoc attemptare presumpserit, indignationem onmipotentis dei et beatorum Petri et Pauli apostolorum eius se noverit incursurum. Datum Laterani VIII. kalendas maii, pontificatus nostri anno tercio.

Source Fulltext: FUCHS, Göttweig I (=FRA II/51, Wien 1901) S. 141-142