Ich Loevtbein von Svnberch tu^en chunt allen den, di disen pri^ef horent und sechent, daz ich und mein hausvro, vro Elspet und alle mein chind darzu unsern willen und unser gunst gegeben haben ledichleich, daz der Rudiger von Prant und vro Margareta sein hosvrowe, pediu mein sweher unde auch mein swiger vrein gebalt haben ze vercho^ufen ir peder gult daz Grozzinck, swem si wellen, an einem manne, den ich offenwar benant han, und daruber,^a daz der vorgenant mein sweher und auch mein swiger an disen Sachen von minen chinde[n oder von]^b meinen erben deheinen irresal leiden, so gib ich in peden stetigung uber das vorgnant gelubd [an diser]^b hantvest, diu versigelt ist mit dem mein insigel, mit dem hern Pilgreims von Chapelle, mit dem Virichs von dem Havs, mit dem hern Hainrichs von Travn. Des sind zeuck: der her Pilgreim von Chapelle, her Otte von Volchnenstorf, der Heinrich der pfarrer von Soechsen, der Hartmvd, der Vlrich vom Havs, der Eberhart der Harlunch, der Wernhart von Ruspach, der Heinrich von Travn, der Vlrich von Smyda und ander pider leut. Daruber wil ich Levtwein von Svnberch dits gelubds und di^err hantvest hern Rudgers gewer sein. Ditz gelubd ist geschehen dacz Povmgartenperg an unser vrowen abent ze ir schidung.

Source Fulltext: FUCHS, Göttweig I (=FRA II/51, Wien 1901) S. 196