Ich Herman von Sunnberg vergich und tun kund allen den, di den brief ansehent, das ich han bestannden von dem erbern mann abbt Heinreich von Gottwey den zehent dacz Lew^ebmansdorff zu einem iar und zu einem nucz und han im gelo^ebt mit meinen trêwn, das ich in fu^erbas nicht sol irren weder mit pett noch mit gewalt, er lazz denselben zehent fu^erbas, wem er well, und wer im darczu gevalle. Und daru^eber han ich im gegeben disen brief mit meinem insigil. Der brief ist geschrieben dacz Wienn ze sunnwenten des iars, do von Kristi gepurd waren taw^esent iar zway hundert iar in dem acht und new^enzkisten iar.

Source Fulltext: FUCHS, Göttweig I (=FRA II/51, Wien 1901) S. 225