Variabiles hominum actus, nisi scriptorum roborentur testimonio, cicius a memoria elabuntur. Hinc est, quod nos frater Otacherus dictus abbas monasterii Campililiorum Cysterciensis ordinis et nos Hugo prepositus Sancti Andree ordinis regularium sancti Augustini et ego Prvnricus plebanus in Herzogenpurga canonicus ibidem et ego Albertus plebanus in Capella omnibus, ad quos presens pervenerit scriptum, cupimus fore notum, quod cum gravis quedam contencio verteretur inter viros honorabiles dominum Dietmarum videlicet plebanum in Wilhalmpurga ex una parte et dominum Chunradum plebanum in Pirchech ex altera parte eo, quod dictus dominus Dietmarus cum in ecclesia predicta Pirchech, quam pluribus honestissime rexerat annis, in Wilhalmspurch faventibus nobis predicto fratre Otachero abbate Campililiorum eiusdem ecclesie in Wilhalmspurch patrono nostroque conventu et capitulo Pataviensis sedis, que pro illo vacabat tempore, annuente res quasdam mobiles et immobiles, quas in Pirchech in propria conquisierat industria, secum transtulisset in usus proprios convertendas predicto Chunrado plebano asserente vice versa hoc nullatenus sibi licere, sed omnia sibi et ecclesie sue iuris testante ordine remansura. Cumque hinc inde advocatis causam agitantibus lis succreseret^a in inmensum ab utraque decretum est parte, ut pacis caritatisque intuitu iuris pretermisso ambitu causa per arbitrii compendium finiretur. Nos igitur supradicti videlicet frater Otacherus dictus abbas Campilileorum et nos Hugo prepositus Sancti Andree et nos Prvnricus plebanus in Herzogenpurga et Albertus plebanus im Campella^b ab eisdem partibus arbitri absolute et liberaliter constituti in Sancto Ypolito coram reverendo patre domino Hainrico preposito eiusdem monasterii in domo sua multis honorabilibus astantibus personis religiosis ac clericis secularibus necnon laycis maturo prehabito consilio primo et principaliter nostrum huiusmodi pena arbitrium duximus in assensu partium roborandum, ut si quis in partibus hoc nostri arbitrii decretum contradiccionis ausu violare presumpserit, non solum a iure suo, sed et ab ecclesie sue beneficio ipso facto vacaturo se noverit decidisse ac deinde litem ipsam aniputavimus in hunc modum, ut sepedictus dominus Diet(marus) plebanus in Wilhalmspurga predicto domino Chunrado plebano in Pirchech resignare ex nunc debeat duas vineas in Levbenstorf¹ et omnes agros, silvas aut prata, si quas unt, que ut prenotatum est comparavit ecclesie in Pirchech in perpetuum remansura. Insuper in mobilibus duo vasa vini, duas vaccas et duos lectos et omnes libros ad divinum officium pertinentes ac decem talenta denariorum Wiennensium pro unius libre redditibus Chotwicensi conventui pro remedio sue anime tenebitur assignare. Vinea autem sua in Gumpoltschirchen, que Laimgrv^ob dicitur, quam ob remedium sue anime comparatam monasterio in Campoliliorum, ubi et sepulture locum elegit, iam dudum contradiderat usu fructuario pro suis sibi remanente diebus, dicto monasterio absque contradictione qualibet in antea remanebit, que omnia a predictis partibus per ratihabicionem sunt coram omnibus presentibus approbata et a sepedicto domino Dietmaro postmodum fideliter adimpleta. Ut autem hec suprascripta in perpetuum robur contineant inviolabile firmitatis, hanc cartam conscribi volumus sigillorum nostrorum arbitrorum videlicet predictorum ac domini Hainrici venerabilis Sancti Ypoliti prepositi prefati sigilli munimine roboratam cum testibus subnotatis, qui sunt: dominus Marchardus abbas Chotwicensis, dominus Chunradus archidyaconus et plebanus in Tulna, dominus Chunradus plebanus in Pehemchirchen, dominus Iacobus plebanus in Mautarn, dominus Wichardus in Topel cum duobus filiis suis Vlrico et Wichardo militibus et aliis pluribus fide dignis. Acta et scripta sunt hec anno domini MCCCXVIIII, in die beati Viti martiris.

Source Fulltext: FUCHS, Göttweig I (=FRA II/51, Wien 1901) S. 289-291