Ich Ortlieb der Zendel zu den zeiten hofmaister des edlen fu^ersten pischof Albrechts von Pazzaw vergich offenbar an disem prief allen den, di in sehent lesent oder ho^erent lesen, di nu lebent und hernach chunftig sind, daz fu^er mich mit einem chrieg chomen ist Altman von Watzmansdorf¹ an seiner stêufchind stat und Vlreich der Noppendorfer umb einen zehent, der leit umb di stat Sand Po^elten. Derselb chrieg ist vor mîr verrichtet mit gueter gwizzen nach der erbern leut sag, di den zehent manig jar gefuert habent also, daz îr igleicher furbaz auf den aêchern. di hernach geschriben stent geleich halben tau vessen schol an dem zehent, danne auf ainem acher auf dem Teuffenweg² nimt der Altman dreu tail zehents und Vlreich den vierden tail. Des ersten in dem veld auf dem Stainveld³ von Hiersmans acher auf der Lêtt wůr von einem jeuch, von Hierzzleins acher, des auch ain jeuch ist, und von virdhalben jeuchen pei der Lantstrazz gen Wilhalmspurch, der ain jeuch hat di Wintpo^ezzingerinne, daz ander hat Herwort der Chesêr, daz dritt hat der Walich, das vierdhalb hat Wernhard pei dem to^er von Heinreichen des Vischer sun auf dem Stainueld,³ von drin jeuchen und von einer jeuchart daselben, ist der Gluechnechtinne, von des Lo^effler aidem pei dem Odelpach⁴ von ainem jeuch und von Lekchenvinger under der Leiten von einem jeuch. In dem andern veld auf dem Schopferprunn⁵ von dem Heinreichen dem Cheser von drin jeucharten, doselben von Heinreichen dem Leinwater von ainem jeuch, daselben ein paur von Eschenaw^e von ainem jeuch auf der Leiten, doselben Nicla der Richter von zwain jeuhen, doselben Chunrad der Eÿsner von einer jeuchart und Leutold der Pfeiffer doselben auch von einer jeuchart, von Heinreichen dem Chegel auf dem Haizzentopel von drin jeucharten, daselben von Chunrat dem Eysner von einem jeuch, von der Laebschinne von ainem jeuch und von Wolf harten von dem Sê ze Wietzendorf⁶ von zwain jeuhen, von Fridreichen dem Salczmanne von ainem jeuch. In dem dritten veld auf dem Teuffenweg² von Fridreichen dein Cholben auf dem Nunntal von ainem jeuch, von dem Mair von Weÿdorn⁷ auf dem Teuffenweg von zwain ieuhen, doselben die Laêbschinne von zwain jeuchen, doselben von Heinreichen dem Chegel nimt der Altman von ainem jeuch di dreu tail und Vlreich daz vierde tail von Niclan dem v^oczen daselben von einem jeuch, doselben von Wilhalm dem Chunter von ainem jeuch und ênhalb der Traÿsem von drin jeuhen, di ligent an vier steten. Daz die Wandlung also stet beleib und war sei, daruber so gib ich vorgenanter Ortlieb disen prief versigelten mit meinem insigel zu einem waren urchund diser sache. Der prief ist geben dacz Sand Po^elten, do von Christes gepuerd waren ergangen dreuzehen hundert iar darnach in dein ainzundreizzigisten jar des suntags vor mittervasten.

Source Fulltext: FUCHS, Göttweig I (=FRA II/51, Wien 1901) S. 344-346