Ich Jans van Chunring, oberister schenkch in Osterri^ech, tu^en chund alle [den, dy den]^a prief ansehent lesent oder ho^erent lesen, die nu sind oder hernach chunstikch^b werdent, daz der ersam herre apt Wulfingch datz Chotwi^eg zen zi^eten gechauft hat ain lehen datz dem Leůpolts¹ recht und redleich, daz alle iar dient zwen und dreizzkch metzen habern und dreizzkch phenning an sand Michelstag und ander weiset dem gotshaus van Chotwi^eg, zway huener ze vaschang, die acht phenning wert sind, und vier chaes, der ainer zwaier phenning wert ist, und dreizzch aier und habt daz gechaůft wider Stephan und wider Chunraten, Otten sun van Chotans, dem got genad. Und dazselb lehen ist seines gotshaus rechtz aygen und habent sew daz van dem gotshaůs van Chotwi^eg ze ainem purkchrecht gehabt, und den vorgenanten dienst darauf gechaůft mit alle dem nutz und recht, und sew iz habent gehabt. Und ist daz geschehen mit aller ierr erben gu^etli^echem willen. Und daz di red staet und untzebrochen beleib, han ich den prief versigelt mit meinem insigel ze ainer staetichait und u^erchu^end und her Ott van Wildek mit seinem insigel. Des sind gezeůg her Chadolt der Wildeker und her Chadolt der Altenburger, her Di^etmar der Law^ocher her Peter van Palt und ander pider leůt genůg, den d[is]ew^c red wol chund ist. Der prief ist geben, do van Christes gepůrd ergangen warn dreůtzehen hundert iar darnach in [dem]^a ne^own und dri^ezzkchstern iar des mitichens ze phingsten.

Source Fulltext: FUCHS, Göttweig I (=FRA II/51, Wien 1901) S. 381-382