Wi^er Albrecht, von gotes gnaden herczog ze o^esterreich, ze Stey^er und ze Kernden, tu^en chunt, daz fu^er uns chome unser getrew^er Ott der Mag und gab uns auf den zehend gelegen in Ragtzer gegent ze den Wuenings,¹ des sechs leben sind und zway drittail auf zwain lehen und auf drin hofsteten und ain drittail auf ainer hofstat, der sein lehen von uns was, und bat uns, daz wir denselben zehend lihen dem erbern ritter Greiffen von Weinarn,² wan er im den verchouft hêt. Daz haben wir getan und haben demselben Greiffen und seinen erben den vo^ergenanten zehend gelihen, waz wir in ze recht daran leihen sullen innezehaben und ze niezzen, als lehensrecht ist in unserm land ze o^esterreich. Wir sein ouch desselben zehendes i^er scherm fu^er gewalt und fur unrecht, als landesrecht ist. Mit u^erchund dicz briefs, geben ze Wienn an mitichen vo^er sand Vlrichstag nach Christes gebu^erd dreuczehen hundert jar darnach in dem siben und fumfczkisten jar.

Source Fulltext: FUCHS, Göttweig I (=FRA II/51, Wien 1901) S. 498