Wir Albrecht von got^es gnaden herczog ze O^esterreich, ze Steyr, ze Kêrnden und ze Krayn, graf ze Tyrol etc. tun ku^end, daz unser getrew^er Kolman von Manswerd die erbern Elspeten, Ortolfs des Têtschans tochter selig, sein eliche wirtin auf das uberlent ze Lostorff, giltet vier phunt und sechs und vierczig phenning Wienner munzze, auf behaustem gu^et daselbs siben phunt phenning und auf vier mutt chorns und vier mutt habern ierliches dienstes, das alles von uns ze lehen ist, umb zway hundert und dreizzig phunt Wienner phenning für ir morgengab mit unser hant gunst und gu^etem willen geweiset und gefu^egt hat also, daz si die innehaben und niezzen soll als morgengab lehens und landesrecht ist mit urkund dicz briefs. Geben ze Wienn an eritag vor sand Agnesentag nach Krists geburd drew^ezehen hundert jar und darnach in dem sechs und sechczigisten jare.

Source Fulltext: FUCHS, Göttweig I (=FRA II/51, Wien 1901) S. 552