In nomine domini; amen. Noverint universi presentes litteras inspecturi, quod nos Vlricus divina miseracione abbas, Dypoldus prior, Andreas cantor totusque conventus monasterii Cho^etwicensis ordinis sancti Benedicti Pataviensis dyocesis pro bono pacis et concordie, ne nos et partem adversam fatigari contingat, diucius frustratoriis laboribus et expensis de voluntate et licencia reverendissimi in Christo patris et domini, domini Alberti venerabilis Pataviensis ecclesie episcopi iudicis seu commissarii in hac causa a sede apostolica specialiter deputati, nostri ordinarii, ad hoc specialiter petita et obtenta pro nobis nostrisque successoribus et nostro monasterio predicto deliberato animo compromisimus et compromittimus in providos et circumspectos viros ac dominos, magistrum Iohannem et magistrum Piligrimum in Notprehtstorf et in Wulderstorf, parochialium ecclesiarum rectores, necnon in strennuos milites, Iohanem de Ryetental et Ru^emhardum de Rena Pataviensis dyocesis in se arbitrium huiusmodi sponte recipientes tamquam arbitros arbitratores amicabiles compositores et bonos viros de omni lite et super omni lite questione causa seu controversia, que inter nos occasione cuiusdam insule prope Chremsam site, que insula per navigium Danubii descendendo a dextero lattere habet insulam contiguam, que Cho^etweigeraw volgariter nuncupatur, iam aliquamdiu versa est et verti sperabatur inter nos predictos partes ex una et venerabiles et religioses viros, dominum^a abbatem,^a priorem totumque conventum monasterii Tzwetlensis ordinis Cysterciensis eiusdem. Pataviensis dyocesis parte ex altera occasione insule prelibate et super quocunque iure et accione, quod et quam nos ac pars adversa in solidum ac communiter vel divisim habemus seu habere potuimus in dicta insula eiusque iuribus et pertinenciis ac fructibus seu redditibus, quam aliis quibuscunque ad dictam insulam spectantibus seu ex ea provenientibus quovis modo et presertim super causa questione vel lite, que super predicta insula et eius occasione per appellacionem per nos ad Romanam curiam est deducta, necnon super quibuscunque contingentibus causam ipsam et dependentibus ab ea et super quibuscunque et de quibuscunque expensis factis et habitis per nos vel partem contrariam eorundem occasione ac insuper in huiusmodi compromisso facere disponere ordinare et etiam promulgare de alto et basso super premissis ac quolibet eorundem ita, quod iidem domini de plano summarie sine strepitu et figura iudicii iuris ordine vel solempnitate servatis vel non servatis seu obmissis aliquo premissorum nobis presentibus vel absentibus seu nobis vel parte adversa vel aliquibus ex ipsis, quos huiusmodi tangit negotium presentibus vel absentibus aut nobis vel parte adversa vocatis vel non vocatis diebusque feriatis vel non feriatis possint sedendo stando omni loco omni hora presertim abhinc usque ad dominicam, qua cantatur: exurge, inclusive scriptis vel sine scriptis, prout ipsis placuerit, servata vel non servata forma huiusmodi compromissi super hoc faciendi et ei addendo vel minuendo interpretando corrigendo, si opus fuerit, causam litem questionem et alia supradicta et dependencia ex eisdem et inter nos et partem adversam audire examinare iura spiritualia et temporalia, munimenta parcium terre, conswetudinem, informacionem recipere in talibus iuribus expertorum terminare diffinire mediante iusticia et eciam arbitrando laudando ordinando transigendo disponendo vel alias quomodolibet faciendo, prout ipsis videbitur expedire, et ad vallandum compromissum huiusmodi, quod per eos fieri contingerit, tam pecuniaria quam alia quavis pena, quam eciam quibuscunque aliis obligacionibus promissionibus et cautelis necnon ad faciendum super hiis quoscunque contractus obligaciones et promissiones et alia quelibet, que ad firmitatem premissorum fuerint facienda, promittentes et insuper convenientes, quod nos abbas predictus et quilibet nostrum acceptabimus et recipiemus et expresse ratificabimus et emulgabimus ratum et gratum habebimus arbitrium laudum composicionem ordinacionem et quidquid super premissis seu quolibet premissorum idem domini abitri^b et arbitratores duxerint seu statuerint faciendum et illis, que per dictos arbitros et arbitratores seu amicabiles compositores dicta seu ordinata extiterint, parebimus et acquiescemus omnino obligantes propterea nos ipsos in solidum omnia et singula nostra bona mobilia et inmobilia, presencia et futura, ecclesiastica et mundana, promittentes per stipulacionem pro nobis ac nostro monasterio memorato sub pena, quam ipsi arbitri duxerint statuendam, quod nos et quilibet nostrum omnia et singula, que per dictos arbitros et arbitratores seu amicabiles compositores secundum formam dicti compromissi facta ordinata arbitrata et dicta super premissis vel aliquo premissorum extiterint, rata et grata habebimus et eis acquiescemus obtemperabimus et in nullo contraveniemus nec de iure nec de facto verbo vel opere per nos vel interpositas personas sub penis perdicionis omnium iurium, que in dicta insula habuimus et habemus, et ducentarum librarum denariorum Wiennensium exsolvendarum dicto domino nostro Pataviensi episcopo commissario huius cause et dominis ducibus huius terre, quodque contra dictum compromissum nullum rescriptum impetrabimus, nullum allegabimus privilegium nullamque excepcionem opponemus et quod non utemur beneficio alicuius legis vel canonis, quod viciet vel viciare poterit huiusmodi compromissum sive ex personis arbitrorum sive compromittencium sive ex rebus, de quibus extitit compromissum, renunciantes beneficio omnis iuris predictorum beneficiis excepcionum et legibus nobis competentibus et specialiter legibus, quibus cavetur generalem renunciacionem non valere, hec omnia promittimus accedente stipulacione pro nobis ac nostro conventu ac monasterio et nostris successoribus sub pena predicta et obligacione bonorum nostrorum presencium et eciam futurorum. Verum si dicti quatuor arbitri arbitratores seu amicabiles compositores in arbitrando laudando transigendo discordes existerent sic, quod dictum arbitrium pretextu discordie debitum non posset sortiri effectum, extunc reverendus pater et dominus, dominus Seifridus abbas monasterii Altenburgensis ordinis sancti Benedicti dicte Pataviensis dyocesis, quem ad hoc pro superarbitro nostra spontanea voluntate recipimus et eligimus cuique ad hoc dedimus et damus plenariam potestatem, habebit et debebit sub penis premissis dictorum arbitrorum seu arbitratorum discordiam, prout sibi secundum deum et iusticiam plenarie sicut predicti quatuor arbitri arbitratores seu amicabiles compositores facere potuissent, laudare diffinire arbitrare promulgare transigere conponere et integraliter dictum arbitrium terminare. Adicimus insuper huic submissioni deliberate et provide ex condicto partis adverse, quod si quis ex premissis arbitris arbitratoribus seu amicabilibus compositoribus casu quocunque decisioni huiusmodii^c arbitrii comode interesse non posset, quod tunc nobis et parti adverse libera sit facultas alium ydoneum et discretum eidem inpedito arbitro seu arbitratori subrogare. In quorum omnium robur et testimonium nostra sigilla duximus presentibus ex certa sciencia appendenda. Datum die beate Agnetis virginis et martiris anno domini MCCCLX nono.

Source Fulltext: FUCHS, Göttweig I (=FRA II/51, Wien 1901) S. 576-579