Nos Vlricus dei gracia abbas, Fridericus prior totusque conventus monasterii Chotwicensis ordinis sancti Benedicti Pataviensis diocesis coram universis et singulis Christi fidelibus presencium noticiam habituris recognoscimus publice protestantes, quod venerabilis in Christo pater et dominus noster, dominus Vlricus dictus Totzenpekch, quondam abbas dicti nostri monasterii felicis memorie, sincere devocionis affectu in laudem et honorem almi creatoris et beate Marie semper virginis ac omnium sanctorum et electorum dei et ob salutem anime sue et suorum predecessorum ac successorum et omnium Christi fidelium defunctorum, ut divini cultus sollempnitas augeatur et dicti domini Vlrici abbatis ac suorum progenitorum commemoracio salubrius habeatur, in vita sua sanus mente et racione tempore, quo potuit, pia dotacione ad fundacionem missarum in ecclesia beate Marie virginis iu Halpach perpetue celebrandarum prout infra: prefate ecclesie in Halpach ex speciali devocione liberaliter contulit et donavit omnia et singula bona sua propria tam denariorum quam bladi, nemorum pascuorum et agrorum sita in Halpach, que idem dominus Vlricus emit a domino Iohane Wildeker¹ milite et suis heredibus cum omnibus et singulis iuribus, proprietatibus et pertinenciis ac fructibus, que spectabant et pertinent ad predicta bona in Halpach, prout in literis empcionis super hoc conscriptis evidenter continetur, cui donacioni extunc consensimus et expresse presentibus consentimus volentes, quod quicunque fratrum dicti nostri monasterii pro tempore fuerit plebanus in Halpach, predicta bona loco et tempore debitis et consuetis respiciat percipiat iure fundacionis manu capiat et cönferat et sit met^a tercius videlicet habens duos socios de nostri monasterii fratribus, per quos quidem socios idem plebanus procuret et faciat omni die perpetuis temporibus unam missam celebrari in ecclesia memorata videlicet: in die dominico de omnibus sanctis, feria secunda pro fidelibus defunctis, feria tercia pro anima abbatis, feria quarta de assumpcione beate Marie virginis, feria quinta de corpore Christi, feria sexta de sancta cruce, sabbato missam de beata Maria generalem, nisi plebanus predictus propter festum apostolicum vel in septem luminibus consuetudinem regule nostre voluerit observare in missarum celebracionibus predictarum misse quoque prefate per socios et non per plebanum debent iuxta predictam celebracionem exerceri et idem plebanus socio missam habenti de qualibet missa sex denarios Wiennenses benigniter ministrabit et si que fuerint residua una cum curia in Halpach et de nemoribus lignis pascuis et agris, illa cedere debent et pertinebunt plebano pro suis laboribus et pro expensis uni predictorum sociorum porrigendis. Ut autem dictarum celebracio missarum ut premittitur iugiter observetur, statuimus, ut si plebanus dictos danarios non exposuerit et ex hoc misse fuerint neglecte, quociens plebanus hoc fecerit, solvet et dabit prefate ecclesie unam libram cere. Si autem aliquis sociorum dictos denarios receperit et missas non legerit, quociens neglexerit, eciaim unam libram cere ecclesie dabit antedicte et si vellent huiusmodi negligenciam continuare seu iterare, extunc dicta negligencia diatim in penam augmentabitur duplicatam. Preterea si plebanus et socii predicti in talibus negligenciis vellent sub colore quomodolibet concordare, tunc provisor seu magister tzeche^b nomine communitatis domino abbati Chotwicensi fideliter intimabit, quod taliter negligentes puniet et ad execucionem districcius coartabit, nisi iustam et racionabilem causam habuerint propter pecunie defectum desolacionem aut colonorum paupertatem. Et pro testimoniali premissorum evidencia sigilla nostra presentibus sunt appensa. Datum in Chotwico anno domini millesimo trecentesimo LXX primo, feria sexta proxima post festum epiphanie.

Source Fulltext: FUCHS, Göttweig I (=FRA II/51, Wien 1901) S. 597-599