Ich Jacob der Hu^elber purger ze Stain, ich Katrey sein hausfraw und ich Chu^enrat sein pru^eder wi^er vergehen offenleich mit dem bri^eef allen lêuten lêmtigen und chu^enftigen umb die zwen weingarten, di gelegen sind pei Stain ainer vor dem nidern tor und haist der Ger und des syben jeuch sind und davon man di^eent ze purchrecht fumfthalben Wienner phenning dem pharrer ze Chrems an sand Michels[tag], und der ander Weingarten gelegen an der Altenburch, dez dritthalb jeueh sind und davon man auch di^eennt dreisik Wienner phenning dem Rakkinger, purger ze Stain, in der herren selgrêt von New^enbu^erch. Dieselben Weingarten mit aller ir^er zu^egeho^erung und allen rechten, als sew von alter herchomen sind, hab wi^er westanden von dem erwi^erdigen geistleichen herren abpt Fridreich u^enser vraun gotzhaus ze Chottweig und von dem gantzen convent daselbs zu unsern drin leiben, diweil wi^er leben, innezehaben also weschaidenleich, daz wi^er dem vorgenanten gotzhaus alle jar jerleich davon raichen und dienn schullen den dritten emmer mo^est, der in dem Weingarten wi^ert, und dartzu^e den zehent von unserm tail. Wi^er sullen auch daz purchrecht selber geben zu^e ir^en henden in den hoff ze Stain und daz schullen sew denn an di stet verdienn, alz oben benant ist. Wi^er schullen auch di Weingarten stiftleich und pauleich inne-haben ze gutem mittern paw und wenn daz wêr, daz wi^er des nicht têten und paw vertzu^egen, dez sew uns wol geweisen mo^echten mit zwain oder drin gwisen weingartmannen, so mu^egen sew uns wol nott^en und phennden mit unserm tail most in der prezz als lang, u^entz daz wi^er daz vertzogen paw erstaten. Wer auch, daz u^ens y^emant invêll têt in den gru^enntten und u^ens pei alten rechten nicht bleiben wolt lassen, daz sullen sew u^ens a^eusrichten an all u^enser mu^ee und schêden, und wenn wi^er vorgenant drey leib denn ab sein gegangen mit dem to^ed und nicht mer leben, so sind denn di vorgenanten Weingarten dem go^etzha^eus wider ledig warden gênczleich, wie ez der lest und uns drin leiben lest. Und daz di red und der handel also stet sey, dez gib ich vorgenanter Jacob Hulber den pri^eef für mich und fu^er mein hausfraun und auch fu^er meim obgenanten pruder Chu^enrat versigelt under meim aygen anhangundem insigel. Dartzu^e hab ich gepeten den erbern Petrein den Newnbu^erger, purger ze Stain und di zeit dez rats daselbs, daz er sach zeug ist mit seinem anhangunden insigel y^em an schaden. Der brief ist geben nach Christi gepu^erd drewtzehen hu^endert jar und in dem fumf und achtzistiken jar dez sambtztags an der aindlef tausent maidtag.

Source Fulltext: FUCHS, Göttweig I (=FRA II/51, Wien 1901) S. 693-694