[U]niversis et singulis presentes litteras inspecturis nos Fridericus dei gracia abbas, Jacobus prior ceterique conventus fratres monasterii in Chotwico, sancti Benedicti, Pataviensis dyocesis, notum facimus et re[co]gnoscimus publi[ce per] presentes, quod cum dudum religiosus vir conventualis frater noster Vlricus Pirichfelder dicti monasterii presbyter professus, olim noster abbas, attentis certis et racionabilibus [c]ausis sibi dictoque monasterio nostro generaliter incumbentibus sue cupiens commoditati utilitatique prefati monasterü, quemadmodum pia devocione pretendebat salubriter providere, private sponte libere [c]apitulariter capituli nostri consensu requisito legitime et ob-tento oneri cesserit regiminis abbacie resignacioque legitima ac abbacie renunciacio facta in manus reverendi in Christo patris ac domini [domin]i Iohannis episcopi Pataviensis resignacionisque per ipsum dominum Iohannem episcopum effectualis ad missio fuerin,t canonice subsecute, nos Fridericus abbas, prior lacob totumque capitulum monasterii prefati in monasterio ipso et in loco capituli capitulariter congregati attendentes exinde prefatum nostrum fratrem Vlricum per nos consideratis mentaliterque maximis sue fidelitatis devocionis meritis, que manifeste claruerunt indiciis, pensatis cum effectu fore non imnerito gratiis beneficiis et piis favoribus specialiter graciosius honorandum omnes concorditer [nem]ine discrepante reclamante seu quovis modo contradicente tenore presencium pro honesta sustentacione ipsius infrascripta bona ad vitam suam per ipsum in-violabiliter et inconcusse [po]ssidenda liberaliter pacifice et quiete constituimus tradimus ordinamus et effectualiter providendo decernimus domino Vlrico antedicto inprimis ecclesiam parrochialem ad Sanctum Vitum, quae [ad] monasterium nostrum pleno dinoscitur iure pertinere, cum omnibus suis iuribus fructibus reditibus obvencionibus proventibus et emolumentis universis cum omni integritate per ipsum [perci]piendis, prout ipsi hactenus ipsius ecclesie rectores percipere consueverunt, item magnam decimam ibidem, item decimam de curia dicta Slinghof,¹ item decimam minorem in Hai^enfeld, item VHI libras cum dimidia census annualis in Sancto Vito et in Hochenwerch, item de Ho^echenwerch duas urnas sagiminis, item de Mospach² [unum] currum et servicium caseorum ibidem, item quamdam vineam dictam Ortweingarten in Chunisteten, item decimam vini in Lewben, item duobus presbyteris duo vasa^a .................... annuati ministranda, pro quibus omnibus et singulis supradictis firmiter inconcusse absque interrupcione qualibet irrevocabiliter observandis et plenariter adimplendis^a ........... tam pro nobis quam successoribus nostris promittimus domino Vlrico prefato donacionem constitucionem ordinacionem et provisionem prefatas ac omnia et singula supradicta semper^a ................ habere et numquam contravenir sed ipsum iuxta posse in premissis defendere et tueri sub pena satisfaccionis quorumlibet dampnorum quovis modo per ipsum occasione cuiuscumque^b ...... nostre in premissis habendorum. In quorum testimonium presentes litteras cum appensione sigilorum nostrorum roboratas prefato domino Vlr[ico]^a Pirichfelder^a ................ vite sue tempore ad cautelam. Datum in die undecim milium virginum anno domini MCCC octuagesima^b quinto.

Source Fulltext: FUCHS, Göttweig I (=FRA II/51, Wien 1901) S. 695-696