× Bonifatius × episcopus, servus servorum dei, dilecto filio . . abbati et conventui monasterii sancte Marie in Gotvico, ordinis sancti Benedicti Pataviensis diocesis salutem et apostolicam benedictionem. Sincere devotionis affectus, quem^a ad nos et Romanam ecclesiam geritis, promeretur, ut peticiones vestras illas presertim, per quas vestro et dicti monasterii statui salubriter consulatur, ad exauditionis gratiam favorabilitera admittamus. Sane vestra nobis nuper exhibita peticio continebat, quod vos infra limites parrochialis ecclesie sancti Stephani in Mantaren Pataviensis diocesis nonnulla, decimas et alia bona, ad ipsam ecelesiam et vestrum monasterium spectantia et pertinentia habetis et possidetis ac eandem ecclesiam, que vestro monasterio canonice unita existit, per vicarium presbyterum secularem regitis, propter quod in decimis et bonis||
huiusmodi, ex quibus vos sustentamini et vivitis, multipliciter perturbamini et ut cornmodius huiusmodi decimis et bonis uti possitis, pro parte vestra nobis fuit humiliter supplicatum, ut vobis et dicto monasterio vestro super hoc providere de benignitate apostolica dignaremur. Nos igitur huiusmodi supplicationibus inclinati, ut cedente vel decedente seculari vicario presbytero huiusmodi dicte ecclesie, qui nunc est vel eam quomodolibet dimittente liceat vobis unum presbyterum ydoneum dicti vestri ordinis in vestrum perpetuum vicarium loco eiusdem vicarii secularis ponere, qui eandem ecclesiam regat ac inibi laudabiliter deserviat in divinis diocesani loci et cuiuslibet alterius super hoc licentia vel consensu minime requisitis, reservata tamen de fructibus redditibus et proventibus predicte ecclesie pro eodem vicario per vos in eadem ut prefertur instituendo congrua portione, de qua idem vicarius possit congrue sustentari, episcopalia iura solvere et alia sibi incumbentia onera supportare, vobis auctoritate apostolica tenore presentium indulgemus. Nulli ergo omnino hominum liceat hanc pagin am nostre concessionis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Rome apud Sanctum Petrum III. kalendas aprilis, pontificatus nostri anno nono.