Hie sind ze merchen die recht, die der abbt zum Go^ettweig und sein gotshaus hat in dem ambt ze Pirchêch. ||
Item im jar ains sol der abbt ain eehaftaiding haben. ||
Item der abbt sol ain amnptman seczen nach der gmain rat und willn ain gmain man und nicht ain edeln.||
Item mon sol den armen lêuttn vor dem taiding acht tag vorsagn, das sy ko^em zu^em taiding. ||
Item auf dem guet ze Pirchêeh ist dhain wildpan weder von der herrschaft nach von dem vogt, dann neczz und lennpawm sind verpotn. ||
Item alle die wanndel, die auf den grunttn verwaricht werdnt und auf der obern gassen ze Pirchêch, es sey inner haus oder ausser haus, welches herren hold die verwu^ericht, chlaine und grasse, die sind des abbts zu^em Gottweig. ||
Item ob ain schedlich man oder weib auf dem guet wer, den sol der lanntrichtter vodern an die herrschaft ze Go^ettweig. Die sol ims dann antwu^erttn, als er oder sy mit gu^ertel umbfangn ist, und das guet sol beleibn dem gotshaus ze Gottweig.||
Item ob der lanntrichttêr ainen mit inczicht zig und sich derselb wold ausredn, so sol im der lanntrichtter auf der dingstat ze Pirchêch siezzen und der in der mczicht ist, der sol fu^er in selb dritte das fraestukch geltn. ||
Item ob ainer ain diep oder ain deuppin begrif mit seinem guet auf des gotshaus gru^entn, so sol derselb sein guet bestêttn und behaltn und dem lanntrichtter gebn zwen und sibenczig phenning ze fu^ervang. ||
Item ob ainer ain schedlichen mo^en vieng, so sol er dem lanntrichtter am potschaft tuen und sol in drey tag behalttn. Nêm er in nicht, so sol er in fuern zu^e der dingstat ze Pirchêch und dem lanntrichtter drey stund rüeffen. Nêm er in nicht, so sol er in mit ainem rughalm zu^e der tarsailn pinten und sol des unenkoltn sein. ||
Item ob ain streichunder deup gevangn wu^erd auf dem gut, den sol der vogt nemen zu seinen hennden mit leib und mit guet und sullen des unenkoltn sein des gotshaus lêut. Item ain herrschaft mag ain vogt nemen, wen er wil und mag auch ainen abseczzen, wenn es in verlust und dem sol mo^en gebn von jedem lehen ain henn. ||
Item die Awingêr ¹ mo^egen gevischen von des mullner wuer uncz auf den Ficzenpach,² des habents recht.

Source Fulltext: FUCHS, Göttweig I (=FRA II/51, Wien 1901) S. 810-811