Wi^er Leupolt von gotes gnaden herczog ze O^esterreich, ze Steyr, ze Kêrnden und ze Krain, grave ze Tyrol etc. bechenn für uns und den hochgebornen fursten herczog Albrechten, herczogen ze O^esterreich etc., unsern lieben vettern, des gerhab wir sein, unser lieben bruder erben und nachkomen, daz wir ze vo^erdrist dem almêchtigen got, der magt Marien seiner gepererin, allen heiligen und dem hymelischen here zů lob und eren und unser vordem lo^ebleicher gedêchtnuss, unser und unser nachkomen seeln zů haile und troste und auch von sundern gnaden den ersamen geistleichen unsern lieben andêchtigen und getrewn . . dem abbt und dem convent des klosters zum Kôttweig und iren nachkomen desselben gotzhauses die gnad getan haben und tůn auch wissentleich mit krafft diczs briefs, daz nu furbasser alle iare und ewikleich sy oder ir anwalt, den sy darczů ordnen, dritthalb phunt kůffen salcz des grossen pandes und acht phunt kůffel des klaynen pandes, wa sy das in Bayren kauffent, herab uncz Korn-Newnburg an allen unsern ma^eutten zů Lyncz, zu Mêthausen, zů Ybs und z^o Stain mauttfrey und an all ander irrung und hindernuss gefuren mugen und sullen mit einander oder zu ainczigen, wenn sy im iare wellen und in das aller fugleicher ist, doch daz uns dieselben klosterlêutt und der convent zum Kottweig nu furbasser alle iare ewikleich auf den suntag, so man singet invocavit in der vasten in demselben gotzhaus ainen erbêrn iartag haben und begeen des abends mit ainem gesungen vigili und des morgens an mantag darnach mit ainem gesungen seelambt und gesprochen seelmessen mit aller ordenung und geberde, als denn solher erber iartag sit und gewonheit ist. Davon gebieten wi^er unsern lieben getrewn allen unsern haubtlêutten herren rittern und knechten pflegern burggraven burgermaistern richtern rêten burgern und allen unsern amptlêutten undertanen und getrewn und sunderleich unsern mauttêrn zu Lyncz, zů Mêthausen, zů Ybs und zů Stain gegenwurttigen und kunftigen, den diser brief geczaigt wirdt, und wellen ernstleichen, daz sy den egenanten abbt, den convent, ir nachkomen und dasselb ir kloster nu furbasser ewikleich bey diser unser gnade gênczleich beleiben und sy oder iren anwalt die egenant summ salcz also alle iare mauttfrey und an all andere irrung und hindernuss untz gen KornNewnburg furen und bringen lassen und dawider nicht tůn noch das yemand anderm ze tůn gestatten in dhainerlay weis. Das inaynen wi^er ernstleich mit u^erkund diczs briefs geben zů Krembs an suntag vor sant Jorgentag nach Christs geburde vierczehen hundert jar darnach in dem achten iare.

Source Fulltext: FUCHS, Göttweig I (=FRA II/52, Wien 1901) S. 72-73