Dignetur s. v. causam et causas, que vertitur, vertuntur seu verti et esse sperantur inter devotum vestrum Thomam Grossel, presbyterum Pataviensis diocesis, ex una et venerabiles ac religioses viros abbatem et conventum monasterii Chodwicensis ordinis sancti Benedicti dicte diocesis parte ex altera omnesque alios et singulos, quorum interest vel qui sua putaverint interesse tam coniunctim quam divisim de et super parrochiali ecclesia in Mauttarn dicte Pataviensis diocesis et ipsius occasione, committere alicui ex venerabilibus viris vestri sacri palacii apostolici causarum auditori audiendas decidendas et fine debito terminandas cum omnibus suis emergendis incidendis dependendis et connexis et cum potestate citandi dictos abbatem et conventum omnesque alios et singulos supradictos coniunctim et divisim in Romana curia extra et ad partes tociens, quociens opus fuerit, non obstante quod causa seu cause huiusmodi non sint ad dictam curiam legitime devolute et de iuris necessitate in eadem tractande seu finiende.||
||
Hiezu ist bemerkt: In fine vero dicte commissionis sive supplicationis cedule scripta erant de alterius manus littera superiori littere ipsius cedule penitus et omnino dissimili et diversa hec verba videlicet: de mandato domini nostri pape audiat magister Cunczo citet ut petitur et iusticiam faciat.

Source Fulltext: FUCHS, Göttweig I (=FRA II/52, Wien 1901) S. 106-107