In nomine domini; amen. Anno (1416) indiccione nona, die vero solis decima octava mensis octobris hora nonarum vel quasi apostolica sede pastore carente in mei notarii publici testiumque subscriptorum presentia propter hoc personaliter constitutus honorabilis vir dominus Michael rector parrochialis ecclesie sancti Egidii in Rappotstall, presbyter Pataviensis diocesis, omnibus melioribus modo via iure causa et forma, quibus potuit et debuit, fecit constituit et solempniter ordinavit suos veros legitimos et indubitatos procuratores actores factores negociorum suorum gestores et nuncios speciales, venerabilem virum dominum Andream de Grillenberg, canonicum ecclesie et officialem curie Pataviensis, necnon honorabiles viros dominos Conradum in Nêlib, Heinricum Symphonistain ad Sanctum Georium in Attergêw et Stephanum Guldein in Hofkirchen, ecclesiarum parro chialium rectores, absentes tamquam presentes et quemlibet ipsorum in solidum ita, quod non sit melior condicio occupantis, sed quod per unum inceptum fuerit, alter eorundem prosequi valeat mediare et finire, dans et concedens eisdem suis procuratoribus plenam liberam et omnimodam potestatem ac mandatum speciale ad comparendum pro eo et eius nomine coram reverendo in Christo patre et domino domino Georio episcopo Pataviensi vel ab eodem domino episcopo mandatum et auctoritatem ad infrascripta habentibus ad petendum eidem domino Michaeli de perpetua missa per honestam Elizabeth, relictam quondam Iohannis de Ybsa militis, in altari duodecim apostolorum in ecclesia collegiata sancti Stephani alias omnium sanctorum Wiennensi fundata et dotata dicte Pataviensis diocesis cum omnibus iuribus et pertinentiis suis universis iuxta et secundum ipsius presentacionis continentiam et tenorem provideri ac ipsum ad eam institui et de ea investiri resignacione, causa permutacionis fiende dumtaxat eiusdem misse in manibus dicti domini episcopi vel eius adhuc potestatem habentis per honorabilem virum dominum Georium Weikgerstorffer ipsius rectorem facta iuramentumque fidelitatis et obediencie ac quodlibet in premissis licitum et necessarium precandum litterasque pro premissis et secundum qualitatem negocii necessarias et oportunas obtinendum et petendum unum vel plures procuratorem seu procuratores loco sui vel alterius eorum substituendum et eum vel eos revocandum et omnis procurationis huiusmodi iterum in se reassumendum tociens, quociens fuerit oportunum, et generaliter omnia alia et singula faciendum procurandum petendum et exercendum, que ad complementum et execucionem omnium et singulorum premissorum necessaria fuerint quomodolibet seu oportuna et que ipsemet constituens faceret seu facere possit, si premissis personaliter interesset, promittensque michi notario publico subscripto stipulanti et recipienti vice et nomine omnium, quorum interest vel intererit seu interesse poterit, se ratum gratum atque firmum perpetuo habiturum, quicquid per dictos suos procuratores constitutos vel substituendos factum gestum seu procuratum fuerit in premissis et quolibet premissorum eosque ab omni onere satisdandi integre relevare sub obligacione omnium bonorum suorum mobilium et immobilium, presencium et futurorum.^a

Source Fulltext: FUCHS, Göttweig II (=FRA II/52, Wien 1901) S. 150-152