Vermerkcht die tayding zwischen dem erwirdigen herrn, hern Petern abbt unser frawen gotshaus zu Gottweig an ainem tail und hern Hannsen von Neidekk an dem andern tail und das alles mit baider tail wissen und willen geschehen ist zu Sand Polten an aller chindlein tag anno domini MCCCC vicesimo tercio: item von erst von wegen des weingarten gelegen pey dem steg zu Fu^ert ist betaydigt, das der von Neydekk oder wer den egenanten weingarten hinfur innehat, dem abbt und seinem gotshaus zu Gottweig jêrleich den rechten zehent davon geben und vierczigk Wienner phenning zu rechtem purkchrecht an sand Merttentag davon dienn sol und sind all vergangen vordrung auf dem egenanten weingarten gancz abgeno^emen. Item umb die sechczig phenning gelts gelegen zu Weyling¹ ist betaydigt, das yeder tail zwen diennêr auf sand Antonitag nagstkunftig gen Weyling schikchen und die amptlêwt und die holden doselbs dorumb verho^ern sullen und erfindet sich doselbs von den amptlêwten und holden, das der von Neidekk das gotshaus innêr su^eben jaren enttwert hab, so sol der von Neydekk dem gotshaus zu Gottweig der gewêr abtretten. Erfundt sich awêr, das die gewer von dem von Rênna an den Schenkchen und von dem Schenkchen an den von Neydekk kômen wer, des sol der von Ney^edekk in seiner gewer pilleich genyessen. 

Original dating clause: an aller chindlein tag

Language: Deutsch

Notes: