Ich Mathes der Smid von Stêczendarff und ich Kathrey sein hausfraw bekennen offenleich mit dem brief fu^er uns und all unser erben und tu^en kund mênichleichen allen lêuten gegenbu^ertigen und ku^enftigen von des hoffs wegen gelegen zu Wiczleinsdarff,¹ den uns der erwi^erdig geistleich herr, her Lucas abbt unser frawn gotzhaus zu Gottweig und der gancz convent gemainkleich daselbs auf leibgeding, das ist auf unser zwen leib und lebtêg verlassent habent mit allen den ekchêrn, so darczu gehor^ent, und mit zwain wisen ayne genant dy Chatbisen, dy ander gelegen hinderm hoff daselbs also, das wir in und irem goczhaus zu ebenteur gegen demselben irem hoff und leibgeding hinbider gegeben haben fu^enfczikch phunt phenning Wienner mu^eniss, der wi^er sew gênczleich zu rechter zeit^a ausgericht und beczallt haben an all scheden. Darczu so schullen wir in jerleich davon raihen und geben zwen mutt traid, ain ko^ern und ain habern und fu^er den zehent daselbs schullen wi^er in alle jar geben ain halben mutt choren und ain halben mutt habern alles zu sand Gilgentag an alles verczichen und widerred. Wi^er schullen und wellen auch denselben hoff zu veld allezeit in guetem paw halden und den mit missten tungen akchern und ander gebo^endleicher arbait zu rechter zeit pawen, in welchem feld das desselben jars nottdu^erfft geschiecht, und darinn nichts verczichen, sunder schullen wir in daraus ain chrautgarten auf ain halbs jeuch ligen lassen, wo oder in welchem veld oder praytten in das gefellt. Denselben chrautgarten schullen wi^er in auch mit allem paw fertigen, als yczund vorgemellt ist. Auch melden wir von des prunns wegen gelegen in dem garten, dabey schullen wi^er in ainen weg zu demselben prunn zu baider seytt ausczeynen und friden also, das in daraus dem garten von viech icht schad ergee. Item so ist beredt warden, das wir den egenanten hoff inne schu^ellen haben nu^eczen und nyessen auf unser baider leib und lebtêg und den zimern und pawen schu^ellen mit stuben cheller chêmer stêll und stadell und dye mit dach pebaren, wo des no^ettdu^erfft geschiecht ungevêrleich, darczu^e sy uns gegeben und erlaubt habent zimerholcz, wes wir ungevêrleich darczu bedu^erffen, das wir das slahen und nemmen schullen in irem wald, als offt uns des wissentleich nottdu^erfft geschiecht. Auch schullen wir uns in irem maiss, wo sy den gebo^endleich in irem wald habent, jêrleich hu^elczen und fu^ersehen mit zwelf fueder prennholcz, das wi^er selb daraus schullen fu^eeren ainst oder zwir im jar und nicht mer. Item wi^er schullen auch aller robot und steur von des benanten hoffs wegen ledig und vertragen sein wi^er alain, wenn ein gema^eyne gebondleiche stewr ausgeet von dem lanndesfu^ersten, so schullen wir darinn auch mitleiden als ander gemain holden des goczhaus zu Gottweig. Wêr aber, das wir ich vorgenanter Mathes Smid und ich Kathrey sein hausfraw vor chrankchait oder vor andern leibgeprechen, wie das wissentleich wu^erde, den vorgenanten hoff zu veld und ze darf nicht vermo^echten zu pawen also, das den vorgenanten herren zu Gottweig und irem gotzhaus der obgenante di^enst daran abgieng und i^er benanter hoff dabey pawfellig wu^erd oder dem nicht nachchêmen, als vor geschriben stet, so schullen wir in denselben hoff mit den vorgeschriben zu^egehorung und mit allen den eren rechten pu^endten und artikellen und mit allen den di^ensten und zehenten, so vor an dem brief gemellt ist, zustifften doch auf unser baider leib und lebtêg und nicht verrer mit ainem siechten frummen mann, der in und irem gotzhaus darczu^e fu^egleich sey ungevêrleich. Item sy sind auch von des vorgenanten hoffs und seiner zugehorung wegen unser recht gwer schermb und furstand fu^er all rechtleich ansprach, als schermbs recht ist in dem land zu Osterreich. Wir melden auch, wann wi^er egenante zwen leib mit tod abgenn, wie dann der egenant hoff mit seiner zugehorung und mit paw zu feld erfunden wirdet, so ist er in und irem gotzhaus zu Gottweig ledig warden und ob das wêr, das uns der to^ed baide begriff, dyweil der traid oder ander nu^ecz der wisen zu veld stu^enden oder an schobern lêgen, ee das sy in den stadel chêmen, so ist dannoch der vorgenant hoff und dieselben nu^ecz zu feld, wie dy ungevêrleich nach unserm tod begriffen werden, in und irem goczhaus ledig warden und schullen und mu^egen sy sich dann der underbinden an aller unser erben und frewnt irrung und widerred, es wêr dann, das dyeselben nu^ecz zu haws in den stadel gebracht und gefu^ert wu^erden, so sey wir in oder unser erben, ob wir in leben nicht wêrn, des vorgenanten dinsts und zehents phlichtig auszerichten und ze geben, als vor geschriben ist. Dann der ander tail oder ubermass derselben nu^ecz schol uns oder unsern erben nachvolgen und bey uns beleiben an alle irrung und widerred ausgenumen strobschêb und ain schol allezeit bey dem vorgenanten hoff beleiben und nicht hindan auf ander gru^end verrukcht werden angever. Und des zu urkund geben wi^er ich obgenanter Mathes Smid und ich Kathrey sein hausfraw dem benanten erwirdigen herren, hern Lucasen, abbt unser frawn gotzhaus zu Gottweig, und dem ganczen convent und allen iren nachkomen daselbs den brief besigellt mit des edlen Petern des Rokchendarffêr anhangunden insigel, den wir vleissichleich darumb gebeten haben, darunder wir uns verpinden mit unsern trewen alles das war und stat zu hallten, so vor an dem brief geschriben stet. Der sach ist auch geczeug der edel Lucas Go^edinger zu Chueffaren mit einem anhungunden insigel, den wir auch mit vleis darumb gebeten haben i^em und seinen erben an schaden. Geben nach Christi gebu^erd vierczehen hundert jar darnach im vir und dreyskisten jar an sannd Georgentag.

Source Fulltext: FUCHS, Göttweig II (=FRA II/52, Wien 1901) S. 260-262