Vermerkcht, quod anno domini millesimo quadringentesimo tricesimo quarto in die sancti Georgii Georg Marchart im Werd¹ hat meinem herrn von Gott(weig) willichleich aufgeben und von hannden geantbu^ert ain halbs jeuch wismad und haisst Newrêut, das gelegen ist oben hinan an den Werd und das do purkrecht geit gen Gottweig XV d. in dy abtey an aller mann vaschangtag. Item so hat Janns Stainperger im Werd auch aufgeben ain jeuch newrêut, das gelegen ist zunagst dabey und das auch gedint hat XXX d. in dy abtey an aller mann vaschangtag. Item so hat Fridel Jêkchel der Varster auch meinem herren von Gott(weig) aufgeben und ubergeantbu^ert ain jeuch garten und haist dy Schustlin und ist gelegen bey den vorgenanten gêrten, das auch gedi^ent hat nativitate Christi XX denare und an aller mann vaschangtag VIII-j- denare alles in dy abtey gen Gott(weig). Und dy vorgenanten gêrten habent sy darumb ubergeben und in herren hannd geantbu^ert, das sy der di^enst davon nicht mu^egen gedienn, wenn es das wasser alles hat hingebrochen. Wêr aber, das es das wasser wider anschu^ettet als vor, so sullen sy sich der in chainerlay weis underbinden, sunder mein herr von Gott(weig) mag dyeselb incziehen oder verrer verleihen an alle zusprach und irrung ungeverleich. Actum die ut supra. Desgleichen hat der Irnfrid übergeben l garten im Werd, haisst der Schustel und ist purkrecht XX d. in dy abtey in die nativitatis Christi. 

Original dating clause: in die nativitatis Christi

Language: Deutsch

Notes: