Ich Michel Riennolt, burger zu Klosternewnburg und dieczeit des durichleuchtigen hochgeborn fu^ersten, herczog Albrechts herczogen zu O^esterreich und markgraffe ze Mêrihêrn etc., meins genêdigen lieben herren slussler und ambtman daselbs, bekenn offennlich mit dein brief, das fu^er mich cham, do ich sas an offem rechten, der beschaiden Vlreich der Strobel mitburger daselbs zu Newnburg und klagt vor mein mit vorsprechen anstat des erbern Wilhalm des Geberstorffer gesessen ze Wienn, des gewaltbrief er hat, auf die u^ebertewrung zwayr hêwser gelegen pey der Tu^enaw daselbs zu Newnbu^erg zunachst Jacoben des Flo^eczer und Hainreich des Schêblêr hêwser, davon man jêrleich di^ent dem egemelten meinem genedigen herrn ze gruntdi^enst drey schyling phenig an sand Jorigentag und drey schiling phenig an sand Michelstag, als das mit allter herkomen ist, und sechs phunnt phenig gelts purkrechts in der erbern burger zech dacz sand Mertten daselbs zu Newnburg, als die urchund darumb lautt und nicht mer. Dieselben hêwser zu^egeho^erndt Jacoben dem Gebharten und derselb Gebhart die yeczpenanten hêwser versaczt hat Hannsen dem Geberstorffer, des obgenanten Wilhalms Geberstorffer brueder, umb ainen und funfczig Ungrischer guldein gu^et in gold und gerecht mit der wag nach des egenanten mein genêdigen herren saczpu^echs innhalltung, wann er das und ander sein gu^et geeribt hat von demselben seinem pru^eder seligen. Wenn im aber an derselben summ guldein daran ausgericht und geben sind warden allso, das im noch daran ausstendt sechs und zwainczig phund und sechczig phening, und pat darumb gerichtts und vragen, was recht wer. Do vragt ich umb, do ward erkanndt zu recht, ich solt fu^erbot darumb lassen werden allen den, die rechtens daran hieten, ob das yemandt wolt veranttburtten, und geschêch darnach, was recht wêr. Das fu^erbot lies ich zu rechtter zeit wissen den penanten Jacoben Gebharten und sein hausfrawn Kathrein, wenn er aber selber der hêwser nucz und gewer stu^end, und Erharten den Charrdinger und Hannsen den Schro^eten, baid zechmaister der egenanten zech, wann dieselben hêwser vor Hainreichen dem Phlênczleins der zech versaczt sind, umb die egenanten sechs phunnt phenig gelts und auch mit geschriben ladung den erbern Albrechten den Weyermaister, burger ze Wienn, anstat Hainreichs des Phlênczleins seligen, dadurich und derselbig Phênczlein auch in saczung weys vor dem Geberstorffer auf der u^ebertewrung den vorpegriffen zwain hêwsern hat zwen und vierczig Ungrischer gu^eldein, als das saczpuech auch begreifft und innhallt, wann derselbig Weyermaister der und ander geltschuld von wegen desselben Hainreichs des Phlênczleins innemer ist. Wenn sew aber das noch nymandts von ir^en wegen nicht veranttburtten wolten, darnach klagt er alsverr, das zu recht erkandt ward, seind alle fu^erbot pewêrt wêrn, ich solt schêczer und schawer darauf geben. Das tet ich. Die komen do fu^er recht und sagten, als sy ze recht solten, das die vorgemelten zway hêwser werd wêrn hundert und achczig phunt Wiener phenning, als sy yeczund lêgen. Darauf ward zu recht erkanndt, ich solt die gewer der zwayr hew^eser innhaben vierczehen tag und in der zeit die schêczung anpieten der penanten zwayr hêwser alle, die rechtns daran haben wolten, ob sy wolten dem anklager genug tun und von im lo^esen das anpot, lies ich wissen den egenanten Jacoben den Gebharten und sein hausfrawn Kathrein, wann derselbig Gebhart der hêwser an der gewer stu^end, und den egenanten Erharten den Charrdinger und Hannsen den Schro^eten die zechmaister und Albrechten den Weyermaister, wenn in dew vor dem Geberstorffer versaczt sind, und auch Hannsen dem Piderman, wenn derselbig darnach verpot auf die u^ebertewrung der obgeschriben geltschuld auch auf dieselben hêwser klagt hat. Nach dem anpot kam aber sa ir kainer noch ny^emandes von ir^en wegen, der desselben anklager huld und willen hiet gewunnen, und ru^efft mich darauf verrer umb recht an. Do ward zu recht erkandt, seind sich das recht alsverr vergangen hiet und das auch die gesworn schêczer und schawer darauf gewesen wêrn und ir kundschafft hieten gesagt, darczu das anpot pewêrt wêr, und hiet des anklager huld ny^emandt begriffen und hiet darczu^e aller seiner rechttêg gênczleich envollen volfu^ert, so solt ich den egenanten Wilhalm den Geberstorffer der u^ebertewrung der vorberu^erten zwayr hêwser nucz und gewer seczen allen sein frumen damit ze schaffen alsverr, das er seiner penanten sechs und zwainczig phunt und sechczig phening seins ausstands davon bekêm und solt mir darumb meinew recht geben und solt ich im der rechten einen behabprief geben. Mit urchund gib ich im der brief besigilt mit meinem anhangundem insigil. Der sach ist geczeug mit seinem angehangen insigil der erber Hanns der Klinger, burger daselbs zu Newnburg, der des tags geding und an dem rechten gesessen, im an schaden und ander erber leu^et genu^eg, dan die sach wol kund und wissentlich ist. Der brief ist geben nach Kristi gepurd vierczehenhundert und in dem siben und dreissigistem jare an suntag vor sand Matheustag des heiligen zwelifpoten.

Source Fulltext: FUCHS, Göttweig II (=FRA II/52, Wien 1901) S. 292-294