Anno domini millesimo quadringentesimo quadragesimo an montag vor sand Michaelstag hat Kathrei, Peter des Knopfs burger zu Krembs eeleiche hawsfraw, mit irem guten willen und auch mit grundherrn hannden, des erwirdigen herrn, herrn Taman abbt unser frawn gotshaws zu Gott(weig) demselben Petern Knopf, irem eelichen mann und allen seinen erben lediklichen gemachet geschaffet und gegeben nach irem tod ir veldlehen in Mauttingerveld zunagst des Legel lehen gelegen mit aller zugehorung, davon man jerlichen dint dem gotshaws zu Gottweig newn phenning zu sand Margaretentag snitphenning und ain halben mut vogthabern zu sand Gilgentag an dy Tunaw Mauttinger mass und darauf IIII-j- phenning schreibphenning und zwen emer most im lesen, und mu^egen nu hinfur der obgenante Peter Knopph und sein erben nach der vorgenanten frawen tod allen iren frumb mit dem vorgeschriben veldlehen geschaffen an aller derselben frawen erben und mênikleichs von iren wegen irrung und hindernuss ungeverlich. 

Original dating clause: an montag vor sand Michaelstag

Language: Deutsch