Ich Steffan Hyers und ich Margreth sein eeleiche hausfrawe bekennen offenleich mit dem brief fur uns und all unser erben und tun kund menikleichen allen leutten gegenbu^ertigen und ku^enfftigen, als wir uns gegen dem erwirdigen und geistleichen herren, hern Taman abbt unser frawen gotzhaus zu Go^ettweig, und gegen dem ganczen convent gemainkleich daselbs verschriben haben von ires garten wegen zu Wiczleinsdarff, den sy uns auf unser lebteg emppholhen habent also, das wir in des treuleich schullen hu^eetten und den also verbesen, damit in an dem frid desselben garten an pawmen an obs an gras und an andern nu^eczen daselbs chain schad ergee und das wir dann darczu denselben garten zu solhen zeitten also wesseren und in phlicht halden, daraus er nu^er nuczperikchait gebinne und nichts verczogen werd ungeverleich, und darumb haben wir sŷ vleissikleich gebeten uns darczu auf unser lebtêg ze geben ain phrunt von irem gotzhaus zu Go^ettweig, das wir dester vleissikleicher dem obgenanten garten mu^egen ausgebarten und in hu^eet halden, des sŷ sich also gebilligt habent, als hernach geschriben stet: von erst schol man uns têgleich geben, dieweil wir baid in leben sind, ain echterinn wein, vier laibel bro^et, der zwaÿ gesalczen sein, und die andern zwaÿ ungesalczen, und wann ain fleischtag ist, so schol man uns albeg desselben tages geben vier robe stu^ekch fleisch, als man die gebonleich zu Go^ettweig gen kuchen schratt, dann in der vasten schol man uns geben alle wochen zwen hering ader zway stukch visch und ain phunt mago^el ader die ganczen vasten sechs phunt mago^el, wie uns das am fuegleichisten ist ze nemen. Auch ist man uns phlichtig darczu ze geben, dieweil wir denselben garten verbesen, alle jar ain meczen gersten und ain viertail salcz und nicht mer. Daengegen haben wir in und irem gotzhaus, ob wir der obgeschriben phrunt nicht wol mo^echten verdiennen, zu ebentewr hinbider gegeben zehen phunt phenning und aynen weingarten, des ain halbs jeuch ist, und ain achtail alles an aÿnem rain zu Niderfuchaw an der Hinderleitten gelegen zenagst Syman des Refentknechts weingarten genant der Altweingarten, davon man dint zu purkchrecht von dem halben jeuch drey phening Sygmunden und Pangrêczen Heyperger gebru^eedern in ir ampt zu Nidernfuchaw und von dem achtail ainen phening zu purkchrecht dem egenanten abbt zu Go^ettweig und seinem convent in die abbtey alles an sannt Michelstage. Denselben weingarten mit aller seiner zugeho^erung haben wir in solher maÿnung übergeben, das derselb weingarten erst nach unser baider tod dem vorgenanten gotzhaus ledikchleich schol gefallen und beÿ dem dann hinfu^er ebikleich beleiben an aller unser frewnt und erben irrung und widerred ungeverleich. Es ist auch nêmleich zu baider seyt beredt worden, wellichs under uns obgenanten zwayen leiben mit tod abgieng vor dem andern, so ist in die vorgeschriben phrunt halbe wider ledig worden ausgenomen den wein, den schol man demselben tail, der in leben beleibet, dannoch mit dem andern tail der halben phru^ent stêtleich geben sein lebtêg. Und ob ich obgenanter Steffan vor meiner hausfrawen Margreten abgieng also, das ich jeczgenante Margret mein man Steffan uberlebet, so bin ich in nicht phlichtig den obgenanten iren garten zu berbesen. Aber dennoch schol mir die halb phru^ent, als jecz gemelt ist, nachvolgen mein lebtêg. Wer aber, das ich vorgemelte Margreth mit tod abgieng vor dem benanten meinen man also, das ich offtgenanter Steffan mein hausfrawen Margreten uberlebet, so schol ich denselben iren garten dennoch verbesen und innehaben, als vor geschriben stet, es wer dann, das ich des vor krankchait nicht vermocht, so schol ich ainen andern an mein stat mein lebtêg gebinnen, der in fu^eegleich sey zu innehaben und ze hu^eetten den egenanten iren garten, als vor gemelt ist ungeverleich. Des ze urchu^end geben wir dem vorgenanten erwirdigen herren, heren Taman abbt unser frawen gotzhaus zu Go^ettweig und dem ganczen convent daselbs den brief fu^er uns und all unser erben besigelt mit der vorgeschriben Sigmunden und Pangra^eczen¹ Heyperger gebru^eeder anhanngunden insigel, die wir vleissikchleich darumb gebeten haben, das sy die sache an unser stat bestêtt habent doch in und iren erben an schaden, wann sy des halben jewchs des vorgenanten weingarten purkcherren sind, darunder wir uns verbinden mit unsern trewen alles das war und stet ze halden, so vor an dem brief geschriben stet. Der sach ist auch geczeug der edel Hanns Pawmgartner durch unser vleissiger pet willen mit seinem anhanngunden insigel doch im und seinen erben an schaden. Geben nach Cristi gebu^erde vierczehenhundert jar darnach in dem vierczigisten jare an sannt Michelstage des heyligen fu^erstêngel.

Source Fulltext: FUCHS, Göttweig II (=FRA II/52, Wien 1901) S. 335-337