Vermerkt, das anno domini etc. XLIII an sant Niclastag Hanns Zehentner von Hugling mit Herrn hannden des erwirdigen hern, hern Taman abbt zu Gottweig sein virtail hoffs und die hofstat dabei zu Hugling gelegen, davon man jerlich dem yetzgenanten goczhaus zu Gottweig dint vom virtail des hofs XV ß. d. und von der hofstat V ß. XVIII d. an sant Michelstage, Petern dem brobst zu Nidernbelmingk, seinem swager, und Jo^ergen im Lehen zu Mumaw, seinem vettern, hat willikleich aufgeben als ir derkaufts gut in solher maÿnung, das sŷ das III jar nacheinander sullen innehaben nu^eczen und niessen und ze veld und darf stiftleich legen und dem obgenanten erwu^erdigen hern oder seinem nachkomen fu^er den benanten Zehentner in den drin jaren beczalen XIII tl. d. an verczehen und darczu jerlich die dinst davon ausrichten. Der Zehentner hat in auch gannczen gewallt gegeben dasselb gu^et inner der zeit zu verkauffen an seiner stat und zuzestiften und sich selber irer geltschult, so in der Zehentner schuldig bleibt, davon ze beczalen. Wurd aber darnach icht u^ebertewrung, die sullen sy raitten dem Zehentner oder seinen erben treuleich und ungeverleich und habent sich des baid tail also gewilligt presentibus domino Wilhelmo de Toppel, Kienberger, Pawmgartner, Caspar Herrant et pluribus aliis personis fide dignis. 

Original dating clause: an sant Niclastag

Language: Deutsch