Nos Sigusmundus dei et apostolice sedis gracia episcopus Salonensis cupientes et animarum saluti invigilantes, quia iuxta merita nostra nichil boni in conspectu dei agitur nec meriti, sed ei, cui confidimus, qui non nostra sed sua sola gracia et misericordia supplet, profitemur per presentes, quod de anno domini millesimo quadringentesimo quadragesimo sexto feria secunda post octavas pentecostes (1445 Mai 24) altare hoc in basilica ecclesie sancti Iohannis baptiste in Hunczhaympach¹ situm in honore sancte et individue trinitatis et sancte Marie et omnium sanctorum et specialiter in honore sanctorum martirum Iohannis et Pauli consecravimus necnon et cappellam reconciliavimus. Ideo omnibus vere penitentibus confessis et contritis ad eandem cappellam confluentibus aut manus adiutrices porrigentibus aut alia quecunque ad cultum dei pertinentibus, in infrascriptis festivitatibus personaliter se presentantibus nativitatis videlicet domini circumcisionis apparicionis resurreccionis ascensionis pentecostes corporis Christi omnibus festivitatibus beate virginis et omnium apostolorum et omnium sanctorum, quorum reliquie in hoc altari recondite sunt, et omnibus terciis feriis et sextis per circulum anni cum missa et flexis genibus quinque pater noster adiungentes totidem salu-taciones angelicas et symbolum, ut fides Christiana roboretur, devote dixerint et oraverint, de quolibet supradictorum operum quadraginta dies indulgenciarum de omnipotentis dei misericordia et beatorum apostolorum Petri et Pauli auctoritate confisi misericorditer in domino relaxamus, dedicacionem autem huius altaris statuimus celebrari in dominica sancte trinitatis perpetuis temporibus duraturis. Datum ad Sanctum Florianum dominica invocavit anno ut supra² nostro sub sigillo.

Source Fulltext: FUCHS, Göttweig II (=FRA II/52, Wien 1901) S. 397