Wir Fridreich etc. bekennen von der zwitrêcht und misshelung wegen, so gewesen sind zwischen unserm lieben getrewen Jo^ergen von Půchaim, o^ebristen drugsêzzen in O^esterreich unserm rat, an aim und der erbern Dorotheen, weilent Hannsens von Půchaim wittiben. und unsern getrewen Sigmu^enden Gru^eenawg, Jo^ergen Lewberstorffer und Casparn Gruber den dienern, des anndern tails, daz wir si daru^emb mit ir baider wissen und gutlichem willen veraint und entschaiden haben in massen, als hernach geschriben steet: zum ersten daz die fraw und die diener su^ellen dem benanten Jo^ergen von Půchaim weilent Pilgreims und Hannsens von Půchaim geslo^ezzer zu seiner notdurfft offen halten doch an der kinder merklichen schaden trewlich und ungeverlich. Item es sullen auch all der kinder brief urbar register klainat beraitschafft insigel und petschad und ob den kindern ichtzit erspart wůrde, alles in der kinder geslo^ezzer ains erlegt und alle stuck nemlich aufgemerkcht und beschriben und mit zwain freu^endten verpetschadt und nicht geoffent werden, es wêr dann merkliche notdurfft, so man die herausnemen mit ainer gewissen und so man die genuczt hat, wider erlegen, als oben gemeldt ist. Item die fraw und die dienêr sullen auch die dienenden nucz und rênnt der kinder innemen und die nach notdu^erfften ausgeben, doch so sullen si dem egenanten Jo^ergen von Půchaim solichs innemens und ausgebens volko^emene raittung tůn in gegenwurtikait zwair oder ains der kinder freundt ungeverlich. Item der obgenant Jo^erg von Půchaim sol alle geistliche und weltliche lehen leihen zu der kinder hannden, untz der knaben ainer zu sein vogtpêrn jarn kumbt, und ob beschêch, das die kinder mit tod abgiengen, ee sy zu iren vogtpêrn jarn kêmen, so sol der frawen von Hannsens von Půchaim kinder gůt ain genugen geschêhen umb ir haimsteur und widerlegung und umb ir annder anerstorbens gelt, das ir gemahel weilent Hanns von Půchaim von irn wegen hat ingenomen. Aber von Hannsens von Půchaim tochter wegen, ob es sich also mit abgang der su^en, als oben gemelt ist, fugen wurd, die sol man erberlich verheirêten nach herko^emen und eren des namens von Půchaim. Item ob Pilgreims und Hannsens von Půchaim su^en mit tod abgienngen, das dann so^elich obgemelt Pilgreims und Hannsens von Půchaim geslo^ezzer brief und guter Jo^erigen von Půchaim ingeantwurt werden, als dem nachsten freu^endt von stamen namen und wappen unengolten dem stamen gewappent von Půchaim mannes namen an iren erblichen anvêllen und rechten treulich und ungeverlich. Und des haben wir yedem tail ain brief in gleicher laut gegeben mit urkunt des briefs. Geben zu Wienn an eritag vor unser lieben frawen tag nativitatis nach Kristi gepurd im vierczehenhundert und siben und vierczigisten jar unsers reichs im achtten jare.

Source Fulltext: FUCHS, Göttweig II (=FRA II/52, Wien 1901) S. 408-409