Ich Cholman Schekch von Wald bekenn mit dem prief, das fur mich kam Erhartt Rattel von Kulb und pat mich im ze leichen und Margareten seiner hawsfrawn und iren leyberben dye hernach benanten zehent meiner lechenschafft, dye ich in also verliehen hab, item von erst ain zehent auf ainem lehen zu Wi^ersing, item auf zwain halben lehen dacz dem Maerhofen,¹ item auf ainem lechen im Hungerpach, item auf ainer hofstat auf der Hoffwis, item auf zwain halben lechen zu dem Gra^eczer, item auf ainem halben lechen und auf ainer hofstat datz dem Strobel, item zu Ha^ekchsno^ed² auf zwain halben lechen, item und auf ainem halben lechen und auf zwain hofsteten datz Micheln im Felbra^ech,³ item auf zwain guetern auf dem Veld, dye da pringent ein gancz lechen, auf den obgenanten guetern allen ain drittail zehent, item und ain sechstayl zehent auf auf^a ainem pu^erchkrecht akcher gelegen im Rêwtt⁴ alles gelegen in Kulber pharr, dye ich in also leich mit krafft des prieffs, was ich in daran zu recht leychen sol und mag. Sy mugen auch mit den obgenanten zehenten allen iren frum und no^ettdu^erfft hanndeln doch mi^er und mein erben unvergriffenlich an der lechenschafft und sew und i^er erben schullen mi^er und meinen erben auch damit gehorsam und gewa^ertig sein, als dann so^elicher pêwtellechen und lannds zu Osterreich recht ist ungeverleich, mit urkund des prieffs wesigelt mit meinem anhangunden insigel. Geben auf dem Achstain⁵ an sannd Peternelltag der heyligen junkchfrawn nach Christi gepu^erd vierczehenhundert jar darnach darnach^a in dem acht und vierczkistem jare etc.

Source Fulltext: FUCHS, Göttweig II (=FRA II/52, Wien 1901) S. 415-416