Anno domini MCCCC quinquagesimo septimo altera die post festum omnium sanctorum hat der erwirdig geistlich herr, her Mert abbt zu Gott(weig) ansechen solh merkchlich presten und abgangk, so sein armanleutten seins aigns zu Tewrn anligkund sein, und damit die gutter, der etlich daselbst vast o^ed und zu unpaw komen sind, hinfur dester stiftlicher ze dorf und pauleicher ze veld gelegt und gebracht wurden, mit verainttem rat des convent allen phenningdinst, so von den behausten guttern daselbst iarleichem im und seim gotzhaus zu Gott(weig) nach laut der urbarregister ze dienn gebuerdet, geringert und geleich halben nachlassen auf drew gancze jar, dieselbn drew gancz iar, die sich angehebt haben anno et die quibus supra, halben pheningdinst und nicht mer davon ze raichen und wan dieselbn drew iar aus sind und endt haben, so sullen darnach dieselben armanleutt und ir nachkomen furan volligen und gantzen dinst raichen und geben ungeverlich. 

Original dating clause: altera die post festum omnium sanctorum

Language: Deutsch