Reverendissime in Christo pater! etc. Wir lassen ewr f. g. wissen, das wir Wolfgang Fra^el, weillend unsers goczhaus zu Gottweig hofmaister zu Kunigsteten und yczo dienner daselbs, auf ain geltbrief, so er von uns hat, schuldig sein worden XLII lb. d,, die wir im zu sand Steffanstag der erfindung nagstvergangen bezalt solden haben. So wir aber in den kriegiaren in solch armuet und encziechnu^es aller unser nu^etz hoch ko^emen sein, dadurch wir im dieselben sumb nicht in gelt zu demselben tag ze bezallen noch in die zeit von seiner aigner abesen und gescha^efft wegen bey uns gehabt haben, hat er derselben sum gelcz darnach auf unser und meniger edler lewt bitten und taiding an bezalung gulden schadens und ander seiner swerrer ha^echer begern nicht nemen nach unsers allergenedigisten hern des Romischen kaisers bevelhen im der sachen halben getan gehorsam sein wellen, yedoch sich am jungsten seiner vodrung des schadens mer kanntnu^ess ewr f. g. phleger zu Greiffenst(ain) des Winkla^er ze gen erboten. So sich der aber allain umb solch entschaidung die zeit nicht anemen hat wellen, bitten wir ewr f. g. in andechtigem vleiss, dem bemelten Winkla^er durch ewrn g. schreiben nach dem pesten ze bevelhen sich umb die oberuert sachen an ausczug anczemen^a und die nach herkomen der pillikait ganczlich zwischen unser entschaiden auch ingedenchk ze sein von unsers vodern prela^eten wegen, das er unsers goczhaus armuet mit den gu^eetern seiner verschriben provision ze hilf ko^eme und sich in das goczhaus fuegen und darin sein erber notturft nach geburlikait zw hailsamkait seiner sel von uns daengegen aufnem und darin an verziehen handelt, als ewr f. g. dem stifft und uns als ewr g. diemuetigem kappelan schuldig ist. Das etc. Ex monasterio Gott(wicensi) dominica reminiscere anno etc. LX. V. r. p. devoti exaratores^b frater Martinus abbas et conventus monasterii Gott(wicensis). Aufschrift: Ein schreiben dem von Passaw.

Source Fulltext: FUCHS, Göttweig II (=FRA II/52, Wien 1901) S. 517-518